கன்னியாகுமரி மாவட்டம் தக்கலை காவல் நிலையத்திற்கு ஒரு வழக்கு விசாரணை குறித்து தெரிந்து கொள்வதற்காக வழக்கறிஞர் ஜெயகுமார் என்பவர் சென்றுள்ளார். அப்போது அங்கே காவல் உதவி ஆய்வாளராக பணியில் இருந்த ரமேஷ், வழக்கறிஞர் ஜெயகுமாரை தகாத வார்த்தைகளால் பேசியதுடன், கடுமையாகத் தாக்கியதாகக் கூறப்படுகிறது.
இதுதொடர்பாக நாகர்கோவிலில் வழக்கறிஞர்கள் சங்கம் சார்பில் இரண்டு தினங்களுக்கு முன் நீதிமன்ற புறக்கணிப்புப் போராட்டம் நடத்தியும் சம்பந்தப்பட்ட உதவி ஆய்வாளர் மீது எந்த நடவடிக்கையும் எடுக்கவில்லை எனக் கூறப்படுகிறது.
எனவே, வழக்கறிஞரை தாக்கிய காவல் உதவி ஆய்வாளர் ரமேஷ் மீது நடவடிக்கை எடுக்க வலியுறுத்தி, மாவட்ட காவல் துறை கண்காணிப்பாளரிடம் வழக்கறிஞர் சங்கத்தினர் புகார் மனு அளித்தனர்.
மேலும், உதவி ஆய்வாளர் ரமேஷ் மீது நடவடிக்கை எடுக்காத பட்சத்தில், அடுத்த கட்டப் போராட்டங்கள் தீவிரப் படுத்தப்படும் என்றும், தமிழ் நாட்டில் யாருக்கும் பாதுகாப்பு இல்லாத நிலை ஏற்பட்டு உள்ளதாகவும் வழக்கறிஞர்கள் குற்றஞ்சாட்டி உள்ளனர்.
இதையும் படிங்க:
சபரிமலை சீசன் : குமரியில் உணவு பாதுகாப்புத்துறையினர் அதிரடி சோதனை!
