திருவனந்தபுரத்திலிருந்து நாகர்கோவிலுக்கு சென்ற அரசுப் பேருந்தில், குமரியில் உள்ள அரசு ஆரம்ப சுகாதார மருத்துவமனையில் மருத்துவராகப் பணிபுரியும் பெண் மருத்துவர் ஒருவர் பயணம் செய்துள்ளார்.
பேருந்து பாறசாலை அருகே வந்துகொண்டிருந்தபோது நடத்துனர், பெண் மருத்துவரிடம் அத்துமீறலில் ஈடுபட்டதாகத் தெரிகிறது. இதனால் அதிர்ச்சியடைந்த அப்பெண் கூச்சலிட்டவே பேருந்தில் பரபரப்பு ஏற்பட்டது. இதனைத் தொடர்ந்து பேருந்தை அருகில் உள்ள காவல் நிலையத்திற்குக் கொண்டு செல்லுமாறு ஓட்டுநரிடம் பயணிகள் கூறினர்.
அதன்பேரில், ஓட்டுநர் பேருந்தை உடனடியாகப் பாறசாலை காவல் நிலையத்துக்குக் கொண்டு சென்றார். அங்கு பெண் மருத்துவர் நடத்துனர் தன்னிடம் அத்துமீறியது குறித்து காவல் துறையினரிடம் புகார் தெரிவித்தார். இதனடிப்படையில், காவல் துறையினர் நடத்துனரைப் பிடித்து விசாரணை செய்துவருகின்றனர்.
இதையும் படிங்க : 'மாஸ்டர்' படப்பிடிப்பு நிறுத்தம் - வருமான வரித்துறையினரின் பிடியில் விஜய்
