கடந்த சில நாட்களாக மழை குறைந்ததைத் தொடர்ந்து தேங்காய்பட்டணம் மற்றும் கேரளா மாநிலத்தின் கொச்சியில் இருந்து குமரி மாவட்ட மீனவர்கள் சுமார் ஐநூறு படகுகளில் ஆழ்கடலுக்கு மீன்பிடிக்கச் சென்றனர்.
இந்நிலையில் ஆயிரக்கணக்கான மீனவர்கள் நேற்றைய தினம் கர்நாடக மாநிலம் மங்கலாபுரம், லட்சத்தீவு ஆழ்கடல் பகுதியில் ஏற்பட்ட புயல் காற்றில் பாதிப்படைந்துள்ளார்கள். மீனவர்களும் விசைப்படகுகளும் புயல் காற்றை எதிர்கொள்ள முடியாமல் தவித்தபோது, அவ்வழியாக வந்த கப்பலின் உதவியுடன் சுமார் 250 மீனவர்கள் அடைக்கலம் பெற்று, லட்சத் தீவில் மீனவர்கள் கரை சேர்ந்துள்ளனர்.
அந்த மீனவர்களது 22 விசைப்படகுகளில் 18 படகுகள் தண்ணீரில் மூழ்கியது. மேலும், 10க்கும் அதிகமான விசைப்படகில் 150 மீனவர்கள் நடுக்கடலில், உதவியின்றி தத்தளித்துக் கொண்டிருப்பதாக, அடைக்கலமடைந்த மீனவர்கள் தெரிவிக்கின்றனர்.
இதில் பெரும்பாலான மீனவர்கள் வல்லவிளை கிராமத்தைச் சேர்ந்தவர்கள் எனக் கூறப்படுகிறது. இதனால், மீனவ கிராமத்தில் பதற்றம் ஏற்பட்டுள்ளது.
இதையும் படிங்க: நடுக்கடலில் மீன் குழம்பு ருசித்த மீனவர்கள் - வைரலாகும் வீடியோ!
