ஹைட்ரோ-கார்பன் திட்டத்தினால் டெல்டா மாவட்டங்களில் உள்ள விவசாய நிலங்கள் முற்றிலும் பாதிப்படைந்ததால் அப்பகுதி மக்கள் பெரிதும் அவதிக்குள்ளாகி உள்ளனர். இந்நிலையில், காஞ்சிபுரம், திருக்கழுக்குன்றத்தில் அனைத்திந்திய இளைஞர் பெருமன்றம் சார்பாக ஹைட்ரோ-கார்பன் திட்டத்தை கைவிடக் கோரியும், காவிரி டெல்டா மாவட்டங்களை பாதுகாக்கப்பட்ட வேளாண்மண்டலமாக அறிவிக்க கோரியும், பிரதமருக்கு 1.5 லட்சம் தபால்கள் அனுப்பும் போராட்டத்தில் ஈடுபட்டனர்.
வேண்டாம் ஹைட்ரோ-கார்பன் திட்டம்-பிரதமருக்கு தபால்!
மாவட்ட செயலாளர் எம் பார்த்திபன் முன்னிலையில், இந்தப் போராட்டத்தில் கலந்துக் கொண்ட உறுப்பினர்கள் தபால் அட்டையில், "வேண்டாம் ஹைட்ரோ-கார்பன் திட்டம், காவிரி டெல்டா மாவட்டங்களை பாதுகாக்கப்பட்ட வேளாண்மண்டலமாக அறிவிக்க வேண்டும்" என எழுதி கையொப்பமிட்டு அனுப்பினர்.
