கள்ளக்குறிச்சி மாவட்டம் சின்னசேலம் அடுத்த கனியாமூர் கிழக்கு காட்டுக்கொட்டாய் பகுதியைச் சேர்ந்தவர் விவசாயி தேவேந்திரன்.
இவரது வயல்வெளியில் ஆட்டுப்பட்டி அமைத்து 21 ஆடுகளை வளர்த்து வருகிறார். வழக்கம்போல் நேற்றிரவு (ஜன.01) ஆடுகளை மேய்த்து ஆட்டுபட்டியில் கட்டிவிட்டுச் சென்றுள்ளார்.
இந்நிலையில், இரவு ஆட்டுப்பட்டியில் புகுந்த மர்ம விலங்குகள், அங்கிருந்த 21 ஆடுகளை கடித்தது. இதில், 17 ஆடுகள் உயிரிழந்தது.
மேலும், நான்கு ஆடுகள் பலத்த படுகாயங்களுடன் உயிருக்கு போராடி வருகிறது. இதையடுத்து, சம்பவ இடத்திற்கு வந்த கால்நடை மருத்துவர்கள் ஆடுகளுக்கு சிகிச்சையளித்து வருகின்றனர்.
இதற்கிடையே சம்பவ இடத்திற்கு வந்த சின்னசேலம் காவல் துறையினர், சம்பவ இடத்தை ஆய்வு செய்தனர்.
மேலும், இது குறித்து வழக்குப்பதிவு செய்த காவல் துறையினர், விசாரணை மேற்கொண்டு வருகின்றனர்.
இதையும் படிங்க: மர்ம விலங்கு கடித்து புள்ளிமான் பலி!
