ஈரோடு: ஈரோடு மாவட்ட ஆட்சியர் அலுவலகத்தில் மாற்றுத்திறனாளிகள் 181 பேருக்கு நலத்திட்ட உதவிகள், இருசக்கர வாகனம் உள்ளிட்ட உபகரணங்கள் வழங்கும் விழா இன்று (ஜூன் 26) நடைபெற்றது. இதில் தமிழ்நாடு வீட்டு வசதி துறை மற்றும் மதுவிலக்கு ஆயத்தீர்வை துறை அமைச்சர் முத்துசாமி கலந்து கொண்டு சிறப்பித்தார்.
இதனைத்தொடர்ந்து செய்தியாளர்களிடம் பேசிய அவர், 'மாற்றுத்திறனாளிகளுக்கு இணைப்புச் சக்கரம் பொருத்தப்பட்ட பெட்ரோல் ஸ்கூட்டர் வழங்கும் திட்டத்தின் கீழ், 145 மாற்றுத்திறனாளிகள் உட்பட 181பேருக்கு பல்வேறு நலத்திட்ட உதவிகள் செய்யப்பட்டு இருப்பதாகவும், அவர்களுக்கு மூன்று சக்கர வாகனங்களும், தையல் இயந்திரங்களும் வழங்கப்பட்டதாகவும் அமைச்சர் முத்துசாமி தெரிவித்தார். தமிழ்நாட்டில் 500 டாஸ்மாக் மதுபான கடைகள் மூடப்பட்டுள்ளதாகவும், இதில் சில கடைகள் மூடப்பட்டது தவறு என்று சில கூறிவருவதாகவும், இதனிடையே மேலும் மூடப்பட வேண்டிய சில டாஸ்மாக் மதுக்கடைகள் விடுபட்டுவிட்டதாகவும் சிலர் கூறிவருவதாக அமைச்சர் எஸ்.முத்துசாமி தெரிவித்துள்ளார். இது குறித்து சம்பந்தப்பட்ட அதிகாரிகளை தகவல் சேகரிக்க பரிந்துரைத்துள்ளதாகவும் அவர் கூறினார்.
இவ்வாறு 500 மதுக்கடைகள் மூடப்பட்டிருப்பட்ட நிலையில், அக்கடைகளால் அரசுக்கு போதிய வருமானம் இல்லையென்பதால் தான் அவைகள் மூடப்பட்டதாக நாம் தமிழர் கட்சியின் ஒருங்கிணைப்பாளர் சீமான் கூறியதாக செய்தியாளர்கள் எழுப்பிய கேள்விக்கு, அந்த மாதிரி கணக்கில் இல்லை என்றும், பொதுமக்களின் கருத்துகளை அடிப்படையாக கொண்டும் நடவடிக்கை எடுக்கப்பட்டதாகவும், குறிப்பாக பள்ளிக்கூடத்தின் அருகில் இருந்த கடைகள் மீது அரசு நடவடிக்கை எடுக்கும் என்றும் அவர் தெரிவித்துள்ளார்.
இதையும் படிங்க: பாட்டிலுக்கு மேல ரூ.10 அதிகம் - டாஸ்மாக் சூப்பர்வைசர் வீடியோ வைரல்
