ஈரோடு மாவட்டம் சத்தியமங்கலம் அரசுப் பள்ளி சார்பாக மழைநீர் சேகரிப்பின் அவசியத்தை மக்களிடையே கொண்டு செல்லவும், வீடுகளில் மழைநீர் கட்டமைப்பை ஏற்படுத்துவது தொடர்பான விழிப்புணர்வு மினி மாரத்தான் போட்டி நடைபெற்றது.
இதில் அப்பள்ளி மாணவர்களே கலந்து கொண்டனர். இப்போட்டியை சத்தியமங்கலம் காவல் ஆய்வாளர் அமாவாசை துவக்கி வைத்தார்.
மழைநீர் சேகரிப்பை வலியுறுத்தி அரசுப்பள்ளி மாணவர்களின் மினிமாரத்தன்!
மழைநீர் விழிப்புணர்வு பிரசுங்களுடன் புறப்பட்ட இப்போட்டி, ஈரோடு அத்தாணிசாலை, புதிய பாலம், பேருந்து நிலையம், கடைவீதி வழியாக மீண்டும் பள்ளியை சென்றடைந்தது.
இதில் மழைநீர் சேகரிப்பை வலியுறுத்தி பொதுமக்களுக்கு, பள்ளி ஆசிரியர்கள் துண்டுபிரசுரங்களை வழங்கினர். போட்டியில் வெற்றி பெற்ற மாணவர்களுக்கு பரிசுகளும் வழங்கப்பட்டன.
