ஈரோடு மாவட்டம் கோபிசெட்டிபாளையம் அருகே உள்ள நஞ்சப்பா நகரில் இரவு நேரங்களில் மூகமூடி அணிந்த இரு நபர்கள் கையில் டார்ச்சுடன் ஒவ்வொரு வீடாக நோட்டம் விட்டு பின்னர் சுவர் ஏறிக்குதித்து வீடுகளுக்குள்ளே சென்று திருட்டில் ஈடுபட்டுள்ளனர்.
அப்பகுதியில் இருந்த சிசிடிவியில் இந்த காட்சி பதிவாகியிருந்தது. அது தற்போது கோபிசெட்டிபாளையம் பகுதியில் சமூக வலைதளங்களில் வைரலாகி வருகிறது. இது அப்பகுதி மக்களிடையே அச்சத்தை ஏற்படுத்தியுள்ளது.
தொடர்ந்து முகமூடித் திருடர்கள் இதுபோன்று செயல்களில் ஈடுபடுவதை உடனடியாக தடுத்து நிறுத்தும் வகையில் காவல்துறையினர் உரிய நடவடிக்கை எடுக்கவேண்டும் என்றும் அப்பகுதியினர் கோரிக்கை வைத்துள்ளனர்.
இது குறித்து கோபிசெட்டிபாளையம் காவல்துறையினரிடம் கேட்டபோது, இதுதொடர்பாக எந்த புகாரும் வரவில்லை என்றும். முகமூடித் திருடர்கள் உலாவரும் சிசிடிவி காட்சி வெளியான நஞ்சப்பா நகரில் இரவு நேர ரோந்து பணியில் காவலர்கள் தினந்தோறும் கண்காணிப்பு பணியில் ஈடுபட்டு வருவதாகவும் தெரிவிக்கப்பட்டுள்ளது.
மேலும் படிக்க: பாட்டி உன் காசு வேண்டாம் பாசம் போதும் - நெகிழ வைத்த பிரேசில் திருடன்
