ஈரோடு: காங்கிரஸ் முன்னாள் தலைவர் ராகுல்காந்தி கன்னியாகுமரி முதல் காஷ்மீர் வரை இந்திய ஒற்றுமை நடைபயணத்தை தொடங்க உள்ளார். இது குறித்த ஈரோடு, திருப்பூர், கோவை, நீலகிரி மாவட்ட காங்கிரஸ் கட்சியின் ஆலோசனைக் கூட்டம் ஈரோட்டில் தமிழ்நாடு காங்கிரஸ் தலைவர் கே.ஏஸ். அழகிரி தலைமையில் நடைபெற்றது.
இந்த கூட்டத்தில் தமிழ்நாடு காங்கிரஸ் முன்னாள் தலைவர் ஈ.வி.கே.எஸ். இளங்கோவன், சட்டப்பேரவை உறுப்பினர் திருமகன் ஈ.வெ.ரா, செல்வப்பெருந்தகை உள்ளிட்டோர் கலந்து கொண்டனர். கூட்டத்தில் பேசிய தமிழ்நாடு காங்கிரஸ் முன்னாள் தலைவர் ஈ.வி.கே.எஸ் இளங்கோவன், “ராகுலின் பாதயாத்திரை மூலம் காங்கிரஸ் வளர்ச்சியடையும்.
தமிழ்நாடு பாஜக தலைவர் அண்ணாமலை மிக மோசமாக நடந்து கொள்கிறார். காங்கிரஸ் கட்சியினரை ஒரு கன்னத்தில் அறைந்தால் மறு கன்னத்தை காட்ட மாட்டோம் அதற்கு பதிலாக உதைப்போம். மிகப்பெரிய தலைவர்கள் இருந்த தமிழ்நாட்டில் அண்ணாமலை வாலாட்ட வேண்டும் என்று நினைத்தால் வால் நறுக்கப்படுவோடு உதைபடுவார்” என எச்சரிக்கை செய்தார்.
தொடர்ந்து பேசிய இளங்கோவன், கடவுள் நம்பிக்கை இல்லை என்றாலும் ஒட்டுவாங்குவதற்கு கோயிலுக்குச் சென்றதாகவும், இப்போது எல்லாம் பணத்திற்கு தான் மக்கள் ஓட்டு போடுவதால் அரசியல் வாதிகளை அயோக்கியேன் என சொல்ல மக்களுக்கு உரிமை இல்லை என தெரிவித்துள்ளார்.
இதையும் படிங்க:அதிமுக பொதுக்குழு விவகாரம் - ஈபிஎஸ் தரப்பில் கேவியட் மனு தாக்கல்
