அதிமுக செயல்வீரர்கள் கூட்டம்: குடித்துவிட்டு கும்மாளம் அடித்த தொண்டர்கள்

ஈரோடு: அதிமுக செயல்வீரர்கள் கூட்டத்தில் குடித்துவிட்டு கும்மாளம் அடித்த தொண்டர்களுக்கு அமைச்சர் செங்கோட்டைன் அறிவுரை வழங்கினார்.

ஈரோடு மாவட்டம் சத்தியமங்கலத்தில் அதிமுக செயல்வீரர்கள் கூட்டம் அக்கட்சியின் மூத்த தலைவர் அமைச்சர் கே.ஏ. செங்கோட்டையன் தலைமையில் நடைபெற்றது. இதில் தாளவாடி, சத்தியமங்கலம், கடம்பூர் ஆகிய பகுதிகளை சேர்ந்த அதிமுக தொண்டர்கள் கலந்துகொண்டனர்.

அதிமுக தொண்டர்கள் குடித்துவிட்டு கும்மாளம்

கூட்டத்தில் சில அதிமுக தொண்டர்கள் மதுபோதையில் ஆடியதை பார்த்த அமைச்சர் செங்கோட்டையன், "முதலமைச்சர் அறிவித்த பொங்கல் பரிசு ரூ.2500 ஐ நீங்கள் வாங்க போக வேண்டாம், வீட்டில் உள்ள பெண்கள் போய் வாங்கட்டும். அவர்கள் ஒரு மாதத்திற்கு செல்வுக்கு வைத்துகொள்வார்கள்.நீங்கள் வாங்கினால் பணம் வீடுபோய் சேராது டாஸ்மாக் கடைக்கு போகும்" என்றார்.

இதையும் படிங்க: திருப்பூரில் ஸ்மார்ட் சிட்டி பணிகள் நடப்பதில் ஏன் தாமதம்?