திண்டுக்கல் மாவட்டம் வேடசந்தூரில், இந்து தமிழர் கட்சியின் சார்பாக ஆலோசனைக் கூட்டம் நடைபெற்றது. இதில் கலந்துகொண்ட இந்து தமிழர் கட்சி நிறுவனத் தலைவர் ராம ரவிக்குமார் பின்னர் செய்தியாளர்களைச் சந்திக்கையில், 'நாம் தமிழர் கட்சியின் தலைமை ஒருங்கிணைப்பாளர் சீமான் தொடர்ந்து சர்ச்சைக்குரிய கருத்துகளையும், மக்கள் ஒற்றுமைக்கு விரோதமான கருத்துகளையும் பதிவு செய்து கொண்டிருக்கிறார்.
நாம் தமிழர் கட்சியினர் மற்றும் சீமான் விடுதலைப்புலிகளைச் சேர்ந்தவர்களா என முறையாக புலனாய்வுத்துறை விசாரணை செய்ய வேண்டும். தேர்தல் பரப்புரையில் சர்ச்சைக்குரிய கருத்துகளைப் பதிவிட்டு வருவது மிகவும் கண்டனத்துக்குரியது. நாம் தமிழர் கட்சி தடை செய்யப்படவேண்டிய கட்சி.
அவர் நாட்டிற்கு மட்டுமல்ல தமிழ்ச் சமூகத்திற்கும் ஆபத்தான வளர்ந்து வரும் நஞ்சு. ஆகவே, உடனடியாக அவரைக் கைது செய்து நாம் தமிழர் கட்சியைத் தடை செய்ய வேண்டும்’ எனக் கேட்டுக்கொண்டார்
இதையும் படிங்க: சீமான் ஒரு அரசியல் தலைவர்போல் செயல்படவில்லை - நாராயணசாமி
