திண்டுக்கல் மாவட்டம் கொடைக்கானலில் காலை முதல் காற்றுடன் கூடிய பலத்த சாரல் மழை பெய்து வருகிறது. குறிப்பாக, ஏரிச்சாலை, அப்சர்வேட்டரி, நாயுடுபுரம், செண்பகனூர், பாம்பார்புரம், பேருந்து நிலையப் பகுதி, நாயுடுபுரம், செண்பகனூர், சீனிவாசபுரம், அண்ணாநகர் , மேல்மலை, கீழ்மலைக்கிராமங்கள் உள்ளிட்ட பல்வேறு இடங்களில் மழை பெய்து வருகிறது.
இதனால், பொதுமக்கள் வீட்டை விட்டு வெளி வர முடியாத நிலை இருந்து வருகிறது. இதனிடையே மாவட்ட நிர்வாகம் பள்ளி விடுமுறை அறிவிப்பு வெளியிடாததால் பள்ளிகளுக்குச் செல்லும் மாணவ, மாணவிகள் மழையில் நனைந்துவாறு பள்ளிக்குச் சென்றனர்.
இதேபோல், நாமக்கல் மாவட்டத்தில் அதிகாலை நான்கு மணி முதலே பரவலாக மழை பெய்து வருகிறது. நாமக்கல், பரமத்தி, திருச்செங்கோடு, இராசிபுரம் ஆகியப் பகுதிகளில் மழை பெய்து வருகிறது. இதன் காரணமாக பள்ளி மாணவ மாணவிகள், அலுவலகம் செல்வோர் மழையில் நனைந்தபடியே தங்கள் இடங்களுக்குச் சென்றனர்.
மேலும், சாலையில் மழை நீர் தேங்கியதால் வாகனங்கள் ஊர்ந்தபடி செல்லும் நிலை ஏற்பட்டதால், வாகன ஓட்டிகள் கடும் சிரமத்திற்கு உள்ளாகினர்.
இதையும் படிங்க:
