திண்டுக்கல் மாவட்டம் ஆத்தூரில் அதிமுக கூட்டணியில் பாமக வேட்பாளர் கவிஞர். திலகபாமா போட்டியிடுகிறார். இந்நிலையில், இன்று (ஏப்.1) சின்னாளப்பட்டி பேரூராட்சிக்கு உள்பட்ட பகுதிகளில் 20க்கும் மேற்பட்ட கிராமங்களில் தீவிர பரப்புரை மேற்கொண்டார்.
அப்போது, குடும்ப அட்டை உள்ள இல்லத்தரசிகளுக்கு ரூ.1500, வருடத்திற்கு ஆறு சிலிண்டர், அம்மா வாஷிங் மெஷின், சோலார் அடுப்பு, இலவச கேபிள் டிவி இணைப்பு உள்ளிட்ட பல்வேறு தேர்தல் வாக்குறுதிகளைக் கூறி பொதுமக்களிடம் மாம்பழம் சின்னத்திற்கு வாக்குகள் சேகரித்தார்.
தொடர்ந்து, சின்னாளப்பட்டி பகுதியில் இளநீர் கடைக்கு சென்று பொதுமக்களுக்கு இளநீர் வெட்டி விற்றுக் கொண்டு தீவிர பரப்புரையில் மேற்கொண்டார். இதில், அதிமுக, பாமக மற்றும் கூட்டணி கட்சி நிர்வாகிகள் பலர் கலந்து கொண்டனர்.
இதையும் படிங்க: இவன் பேருக்குள்ளே காந்தம் உண்டு உண்மை தானடா!
