மார்ச் மாதம் நடைபெறவிருந்த பத்தாம் வகுப்பு பொதுத்தேர்வு கரோனா நெருக்கடி காரணமாக ரத்துசெய்யப்பட்டது. இந்நிலையில் இரண்டு மாதங்களுக்குப் பிறகு மீண்டும் தேர்வு நடத்துவதற்காகத் தமிழ்நாடு கல்வித் துறை ஏற்பாடு செய்தது. இதன்படி, ஜூன் 15ஆம் தேதி பத்தாம் வகுப்பு பொதுத்தேர்வு நடைபெறும் என அறிவிப்பு வெளியானது.
இதையடுத்து பள்ளிகளில் தேர்வுக்கூட நுழைவுச்சீட்டு வழங்கும் பணி தொடங்கியது. திண்டுக்கல் மாவட்டத்தில் அரசு, தனியார் பள்ளிகளில் 10ஆம் வகுப்பு, 11ஆம் வகுப்பு பயிலும் மாணவ, மாணவிகளுக்கு நுழைவுச்சீட்டு வழங்கப்பட்டுவருகின்றன.
இதன் காரணமாக, இன்று காலை அனைத்துப் பள்ளிகளிலும் மாணவ மாணவிகளின் கூட்டம் அலைமோதியது. மாணவ, மாணவிகளுக்கு உடல் வெப்ப அளவு பரிசோதனை செய்யப்பட்ட பின்னரே உள்ளே அனுமதிக்கப்பட்டனர்.
இதையும் படிங்க: அரசு மருத்துவமனையில் பயிலும் செவிலியர் மாணவிக்கு கரோனா!
