திண்டுக்கல் மாவட்டம் பழனி 'சேம்பர் ஆஃப் காமர்ஸ்' என்ற வணிகர் சங்கத்தின் சார்பாக 33 லட்சம் ரூபாய் மதிப்பில் பழனி அரசு மருத்துவமனையில் புதிய ஆக்ஸிஜன் உற்பத்தி மையம் ஏற்படுத்திக் கொடுக்கப்பட்டுள்ளது. இந்த ஆக்ஸிஜன் மையத்தை தமிழ்நாடு உணவுத்துறை அமைச்சர் சக்கரபாணி தொடங்கி வைத்தார்.
அப்போது பேசிய அவர், "கரோனா காலங்களில் ஆக்ஸிஜன் தேவை அதிகரித்துள்ளது. இதைப் போக்கும் வகையில் ஆக்ஸிஜன் உற்பத்தி மையம் அமைத்துத் தந்த 'சேம்பர் ஆஃப் காமர்ஸ்' வணிகர் சங்கத்திற்குப் பாராட்டை தெரிவித்துக்கொள்கிறேன். இந்த ஆக்ஸிஜன் உற்பத்தி மையம் மூலம் ஒருமணி நேரத்திற்கு 100லிட்டர் ஆக்ஸிஜனை உற்பத்தி செய்யமுடியும். இதன்மூலம் நாள் ஒன்றுக்கு 20 நோயாளிகள்வரை பயனடைவர்" என்றார்.
மேலும், பழனியில் உள்ள அருள்மிகு தண்டாயுதபாணி சுவாமி கோயில் சார்பில் 2 கோடி ரூபாய் மதிப்பில் விரைவில் புதிய ஆக்ஸிஜன் உற்பத்தி மையம் அமைக்கப்படள்ளதாகவும், இங்கு உற்பத்தி செய்யப்படும் ஆக்சிஜன் திண்டுக்கல் மாவட்டத்தின் தேவையை பூர்த்தி செய்வதோடு மட்டுமல்லாமல் மற்ற மாவட்ட மக்களின் ஆக்ஸிஜன் தேவையையும் பூர்த்தி செய்ய முடியும் என்றார்.
இதைத் தொடர்ந்து பழனி ஆண்கள் மேல்நிலைப்பள்ளியில் அமையவுள்ள தற்காலி கரோனா சிறப்பு சிகிச்சை மையப் பணிகளை பார்வையிட்டார்.
இதையும் படிங்க: ’இ.எஸ்.ஐ மருத்துவமனையில் இறப்பு விகிதம் குறைவு’ - அமைச்சர் மா.சுப்பிரமணியம்
