எம்ஜிஆர் சிலைகளுக்கு மரியாதை செலுத்திய கட்சியினர்

தருமபுரி: எம்ஜிஆரின் 103ஆவது பிறந்தநாளை முன்னிட்டு மாவட்டத்தில் 100க்கு மேற்பட்ட எம்.ஜி.ஆர் சிலைகளுக்கு அதிமுகவினர் மாலை அணிவித்து மரியாதை செலுத்தினர்.

அஇஅதிமுகவின் நிறுவனத் தலைவரும், முன்னாள் முதலமைச்சருமான எம்.ஜி. ராமச்சந்திரனின் 103ஆவது பிறந்தநாளை முன்னிட்டு மாவட்டத்திலுள்ள 100க்கும் மேற்பட்ட எம்ஜிஆரின் உருவச்சிலைகளுக்கும், அவரின் உருவப்படத்திற்கும் மாலை அணிவித்து அதிமுகவினர் மரியாதைச் செலுத்தினர்.

தருமபுரி அதிமுக கட்சி அலுவலகத்தில் மத்தியக் கூட்டுறவு வங்கித் தலைவர் எஸ்.ஆர். வெற்றிவேல் தலைமையில், கட்சியின் மாவட்ட அவைத்தலைவர் நாகராஜ் எம்ஜிஆர் சிலைக்கு மாலை அணிவித்து பொதுமக்களுக்கு இனிப்புகளை வழங்கினர்.

அதேபோல அன்னசாகரம், இலக்கியம்பட்டி, அதியமான்கோட்டை, நல்லம்பள்ளி உள்ளிட்ட பல இடங்களில் அதிமுகவினர் கேக் வெட்டியும், இனிப்புகளை வழங்கியும் எம்ஜிஆரின் பிறந்தநாளை விமர்சையாகக் கொண்டாடினர்.