தர்மபுரி மாவட்டத்தில் ஐந்து சட்டப்பேரவைத் தொகுதிகளில் பயன்படுத்தப்படும் மின்னணு வாக்குப்பதிவு இயந்திரங்கள் மாவட்ட ஆட்சியர் அலுவலக வளாகத்தில் உள்ள வாக்குப்பதிவு இயந்திரக் கிடங்கில் மொத்தமாக வைக்கப்பட்டிருந்தன.
பெல் நிறுவன பொறியாளர்கள் ஒவ்வொரு மின்னணு வாக்குப்பதிவு இயந்திரத்தையும் முழுமையாகப் பரிசோதனை செய்து தயார்படுத்தினார். இதனைத் தொடர்ந்து ஐந்து தொகுதிகளுக்கும் மின்னணு வாக்குப்பதிவு இயந்திரங்கள் சம வாய்ப்பு முறையில் தேர்வுசெய்யப்பட்டு ஒதுக்கீடுசெய்யப்பட்டன.
இந்தப் பணிகள் அனைத்தும் முடிவடைந்ததைத் தொடர்ந்து மின்னணு வாக்குப்பதிவு இயந்திரங்களிலும் வேட்பாளர்களின் பெயர், புகைப்படம், சின்னம் பொருத்தும் பணியினை மாவட்டத் தேர்தல் அலுவலர் எஸ்.பி. கார்த்திகா நேரில் பார்வையிட்டு ஆய்வு மேற்கொண்டார்.
தர்மபுரி மாவட்டத்தில் ஐந்து சட்டப்பேரவைத் தொகுதிகளிலும் மொத்தம் 1,817 வாக்குச்சாவடிகள் அமைக்கப்பட்டுள்ளன. ஒவ்வொரு வாக்குச்சாவடியிலும் ஒரு கட்டுப்பாட்டு அலகு என மொத்தம் 1,817 கட்டுப்பாட்டு அலகுகள் தேவை. மேலும் 20 விழுக்காடு ரிசர்வ் கட்டுப்பாட்டு அலகுகள் தயார் நிலையில் வைக்கப்பட்டுள்ளன.
இதேபோல் யாருக்கு வாக்களித்தோம் என்பதை அறியும் வாக்குச்சீட்டு ஒப்புகை இயந்திரங்களில் (விவிபேட்) வேட்பாளர்களின் பெயர், சின்னம் ஆகியவற்றைப் பதிவுசெய்யும் பணியும் நடைபெற்றது.
இதையும் படிங்க: நெருக்கடி நிலையை எதிர்கொண்டவர்கள் திமுகவினர் - ஆர்.எஸ். பாரதி
