கர்நாடக மாநிலத்தில் கடந்த சில நாள்களாக மழைப் பொழிவு குறைந்திருந்ததால் ஒகேனக்கல்லுக்கு நீர்வரத்து அளவு தொடர்ந்து சரிந்து வந்தது. இந்நிலையில், கிருஷ்ணகிரி மாவட்டம் அஞ்செட்டி பகுதி மற்றும் காவிரி கரையோர பகுதிகளில் பெய்யும் தொடர்மழையால் நீர்வரத்து தொடர்ந்து அதிகரித்துவருகிறது.
நேற்று பிலிகுண்டுலு பகுதிக்கு வரும் நீர்வரத்து 9 ஆயிரம் கனஅடியாக இருந்த நிலையில், இன்று 4 ஆயிரம் கனஅடி நீர் உயர்ந்து 13 ஆயிரம் கன அடியாக நீர்வரத்து உள்ளது. நீர்வரத்து அதிகரித்ததன் காரணமாக ஒகேனக்கல் அருவிகளில் தண்ணீர் ஆர்ப்பரித்து கொட்டுகிறது.
