2019 ஆம் ஆண்டு நாடாளுமன்ற தேர்தலில் தர்மபுரி நாடாளுமன்ற தொகுதியில் திமுக சார்பில் டாக்டர் செந்தில்குமார் போட்டியிடுகிறார். இந்நிலையில் இன்று தர்மபுரி 4 ரோடு பகுதியில் உள்ள அண்ணா சிலை மற்றும் பெரியார் சிலைகளுக்கு மாலை அணிவித்து கட்சி அலுவலகத்திற்கு சென்றார்.
அப்போது கட்சி அலுவலகத்தில் திமுக நிர்வாகிகளை ஒருவர் ஒருவராக தனித்தனியாக கட்டிப்பிடித்து வாக்கு சேகரித்தார். மேலும் 4 ரோடு பகுதியில் அண்ணா சிலைக்கு மாலை அணிவித்தபோது, அங்கு இருந்த கட்சியினர்அவரை தூக்கி ஆரவாரம் செய்தனர். இதனைத்தொடர்ந்து செந்தில்குமார் நடனமாடியபடியே வாக்குகள் சேகரித்தார்.
இதையடுத்து செந்தில்குமாருக்கு கிடைக்கும் ஆதரவை பார்த்தால் இத்தொகுதியில் போட்டியிடும் பாமக வேட்பாளர் அன்புமணி ராமதாஸுக்கு கடும் நெருக்கடியை தருவார் என திமுகவினர் தெரிவித்தனர்.
