தருமபுரியில் ஐந்து சொகுசுப் பேருந்துகளை தொடங்கி வைத்த அமைச்சர்

தருமபுரி: தமிழ்நாடு உயர் கல்வித் துறை அமைச்சர் கே.பி .அன்பழகன் ஐந்து சொகுசு பேருந்துகளை கொடியசைத்து தொடங்கி வைத்தார்.

தருமபுரி புறநகர் பேருந்து நிலையத்தில் புதிய குளிர்சாதன வசதி கொண்ட பேருந்துகளை தமிழ்நாடு உயர் கல்வித் துறை அமைச்சர் கே.பி. அன்பழகன் கொடியசைத்து தொடங்கிவைத்து பேருந்தில் பயணம் செய்தார்.

புதிய சொகுசு பேருந்துகள் தருமபுரி புறநகர் பேருந்து நிலையத்தில் இருந்து தருமபுரி-பெங்களூரு, தருமபுரி-வேலூர் -திருப்பத்தூர், திருப்பத்தூர்-ஆம்பூர்-வேலூர், தருமபுரி- ஓசூர், தருமபுரி -ஓசூர்-பெங்களூரு உள்ளிட்ட 5 வழித்தடங்களில் இயங்கும். இப்பேருந்துகளில் தனியார் சொகுசு பேருந்துகளைவிட கட்டணம் குறைவு.

இந்நிகழ்ச்சியில் தருமபுரி மாவட்ட ஆட்சியர் மலர்விழி, பாப்பிரெட்டிபட்டி சட்டப்பேரவை உறுப்பினர் கோவிந்தசாமி, அரூர் சட்டப்பேரவை உறுப்பினர் சம்பத்குமார், மத்திய கூட்டுறவு வங்கித் தலைவர் எஸ்.ஆர். வெற்றிவேல் உள்ளிட்டோர் கலந்துகொண்டனர்.