கடலூர் பகுதியைச் சுற்றி சுமார் 52 மீனவ கிராமங்கள் உள்ளன. இதில் சாமியார் பேட்டை என்ற கடலோர கிராம பகுதியில் மர்மப்பொருள் ஒன்று கரை ஒதுங்கியது.
இதுகுறித்து அப்பகுதி மீனவரான குட்டி, கடலோர காவல் படையினருக்கு தகவல் தெரிவித்தார். இதன்பேரில் அங்கு விரைந்து வந்த கடலோர காவல்படையினர் அந்தப் பொருளைக் கைப்பற்றினர்.
கைபற்றிய பொருள் வானிலை குறித்து தகவல் பரிமாற்றம் செய்யும் மிதவை உபகரணம் என்பதும், அது கரை ஒதுங்கியிருப்பதும் தெரியவந்தது. மேலும், இதுகுறித்து கடலோர பாதுகாப்பு படையினர் விசாரணை நடத்தி வருகின்றனர்.
