பொள்ளாச்சியில் கடந்த இரண்டு வருடங்களாக பாதாளச் சாக்கடை பணி நடைபெற்று வருகிறது. பொள்ளாச்சியில் உள்ள 36 வார்டுகளில் சில குறிப்பிட்ட வார்டுகளில் மட்டுமே பணி முடிவடைந்துள்ளது.
இந்நிலையில் கடந்த சில மாதங்களுக்கு முன்பு மாரியம்மன் கோயில் திருவிழாவை முன்னிட்டு பொள்ளாச்சி கடைவீதிகளில் அவசர அவசரமாக சாலைகள் போடப்பட்டன. அவ்வாறு போடப்பட்ட சாலைகள் தற்போது குண்டும் குழியுமாக உள்ளதால் பொதுமக்களும், வாகன ஓட்டிகளும் மிகவும் சிரமத்திற்குள்ளாகின்றனர்.
இந்நிலையில் குண்டும் குழியுமாக உள்ள சாலைகளை சீரமைக்க அதிகாரிகளின் உத்தரவின் பேரில் வந்த இரண்டு ஊழியர்கள் ஜல்லிக்கல் கலவையை பிளாஸ்டிக் பைகளிலிருந்து எடுத்து குழிகளில் கொட்டி, காலால் கலவை பூசியுள்ளனர்.
இதனை வீடியோவாக பதிவு செய்த நபர், அதை வாட்ஸ்அப்பில் பதிவேற்றியுள்ளார். இந்த வீடியோ தற்போது வாட்ஸ்அப்பில் வைரலாக பரவி வருகிறது.
இதையும் படிங்க: நாங்கள் பயத்திற்கு அப்பாற்பட்டவர்கள் - ஓ.எஸ்.மணியன்
