கடந்த மூன்று மாதங்களாகவே தீவிரவாதத்திற்கு எதிராக மனித சங்கிலி ஆர்ப்பாட்டம் தமிழ்நாடு முழுவதும் நடைபெற்று வந்த நிலையில் தமிழ்நாடு தவ்ஹீத் ஜமாஅத் கட்சியின் சார்பாக ஆயிரத்திற்கும் மேற்பட்ட இஸ்லாமியர் கோயம்புத்தூர் ஆத்துப்பாலத்தில் ஆர்ப்பாட்டத்தை நடத்தினர்.
தமிழ்நாடு தவ்ஹீத் ஜமாஅத் கட்சியின் மாவட்ட பொருளாளர் அஜ்மல் கூறுகையில், தீவிரவாதம் என்றாலே முஸ்லீம்கள் என்று கூறுவது வழக்கமாயிற்று, இது மிகவும் தவறான, மன வருத்தமான செயல் என்று கூறினார்.
மேலும் அவர் ,பல்வேறு சமூகத்தினர் வாழும் இந்நாட்டில் இஸ்லாமியர்களை மட்டும் தீவிரவாதியாக சித்தரிக்கும் விதமாகவே பெரும்பாலான செய்திகள், செய்தித்தாள்களில் வருகின்றன. இவ்வாறு செய்வதால் தங்களின் பெண்கள், குழந்தைகள் இந்த சமூகத்தில் தனித்து விடப்பட்டு, விரோதமான மக்களாக பார்க்கப்படுகின்றனர் என்று கூறினார்.
மனித நேயத்தை மட்டுமே விரும்புவோர் இஸ்லாமியர்கள், எங்களை தீவிரவாதியாக சித்தரிக்க வேண்டாம் என்று கேட்டுக்கொண்டார்.
