மேற்கு தொடர்ச்சி மலை பகுதிகளில் தொடர்ந்து கனமழை பெய்து வரும் நிலையில், நொய்யல் ஆற்றில் வெள்ளப்பெருக்கு ஏற்பட்டுள்ளது. இதனால், பேரூர் படித்துறையில் இருபுறமும் கரையை தொட்ட வண்ணம் தண்ணீர் செல்கிறது.
தொடர்ந்து தண்ணீர் வரத்து அதிகரித்ததால், நொய்யல் ஆற்றின் கரையோரம் உள்ள தனியார் கல்லூரி மாணவர்கள் தங்கும் விடுதியின் சுற்றுச் சுவர் முழுவதும் இடிந்து விழுந்தது.
வெள்ளத்தால் விழுந்த கல்லூரி சுற்று சுவர்
அந்த வீடியோ தற்போது சமூக வலைதங்களில் பரவி வருகிறது. இதே போன்று நொய்யல் ஆற்றின் கரையில் உள்ள பல்வேறு கட்டடங்கள் வெள்ளத்தால் சேதமடைந்துள்ளன. இதனால், அப்பகுதில் உள்ள மக்கள் பாதுகாப்பான இடங்களுக்கு செல்லுமாறு மாவட்ட நிர்வாகம் எச்சரிக்கை விடுத்துள்ளது.
