கோயம்புத்தூர் மாவட்டத்தில் முன்பு இருந்ததைவிட கரோனா தொற்று நாளுக்கு நாள் அதிகரித்து வருகிறது. இதனைக் கட்டுப்படுத்த மாநில அரசும், மத்திய அரசும் பல்வேறு நடவடிக்கைகளை எடுத்துவருகின்றன. இருப்பினும், கோவை மாவட்டத்தில் கரோனா தொற்றால் பாதிக்கப்பட்டவர்களின் எண்ணிக்கை அதிகரித்துக் கொண்டே செல்கிறது. இந்நிலையில், கோவையில் இன்று (அக். 05) 468 பேருக்கு புதிதாக கரோனா தொற்று உறுதி செய்யப்பட்டுள்ளது.
இதனால் மாவட்டத்தில் கரோனாவால் பாதிக்கப்பட்டோரின் எண்ணிக்கை 34 ஆயிரத்து 558 ஆக அதிகரித்துள்ளது. ஒரே நாளில் ஏழு பேர் உயிரிழந்ததைத் தொடர்ந்து, கோவை மாவட்டத்தில் உயிரிழந்தவர்களின் எண்ணிக்கை 469 ஆக அதிகரித்துள்ளது. சிகிச்சைப் பெற்று வந்தவர்களில், 460 பேர் குணமடைந்து வீடு திரும்பியுள்ளனர்.
இதன் மூலம் கோவையில் இதுவரை கரோனா தொற்றிலிருந்து குணமடைந்தவர்களின் எண்ணிக்கை 29 ஆயிரத்து 199 ஆக அதிகரித்துள்ளது. மேலும், 4 ஆயிரத்து 890 பேர் மருத்துவமனையில் சிகிச்சை பெற்றுவருகின்றனர்.
இதையும் படிங்க: நடிகை தமன்னாவிற்கு கரோனா தொற்று!
