இந்திய தொழில்நுட்ப முனைவர் ஆனந்த புருஷோத்தமன், 2015ஆம் ஆண்டு ஆப்வியூஎக்ஸ் என்னும் ஐடி ஆட்டோமேஷன் நிறுவனத்தை தொடங்கிவைத்தார். இந்த ஆப்வியூஎக்ஸ் நிதிநிறுவனங்கள், சில்லறை விற்பனையகங்கள், மருத்துவம், சுகாதாரம், எண்ணெய், எரிவாயு உற்பத்தி, ஆழ்ந்த தொழில்நுட்ப நிறுவனங்கள் என தலைசிறந்த நிறுவனங்களாகத் திகழும் பல நிறுவனங்களுக்கு சேவையாற்றிவருகிறது.
இது குறித்து புருஷோத்தமன் செய்தியாளர்களிடம் பேசியபோது, இந்தியாவில் விற்பனை, வாடிக்கையாளர்களுக்கான விநியோகம் இவற்றை ஆராய்ச்சி மற்றும் மேம்பாட்டுடன் முழுமையான தகவல் தொழில்நுட்ப தானியங்கி தளத்தை புதுமையான முறையில் வழங்கவுள்ளதாகவும், வரும் இரண்டு ஆண்டுகளில் 600 பேருக்கு வேலைவாய்ப்பு அளிக்க திட்டமிட்டுள்ளதாகவும் தெரிவித்தார்.
தொடர்ந்து பேசிய அவர், ஆண்டுக்கு ஆண்டு நூறு சதவிகித வளர்ச்சியை எட்ட இலக்கு உள்ளதாகவும் அதன் பொருட்டு முக்கிய நகரங்களான சென்னை,பெங்களூரு,கோவையில் ஆப்வியூஎக்ஸ் விரிவாக்கத்தை விரைவில் தொடங்க உள்ளதாகவும் ஆனந்த் தெரிவித்துள்ளார்.
இதையும் படிங்க: மொத்த உள்நாட்டு உற்பத்தி 5 சதவிகிதமாகக் குறைய வாய்ப்பு!
