பொள்ளாச்சி அடுத்த செமணாம்பதி ,செம்மேடு ஆகிய பகுதிகளில் சிலர் மான் வேட்டையில் ஈடுபடுவதாக வனத்துறையினருக்கு புகார் வந்தது.
சம்பவ இடத்திற்கு விரைந்த வனத்துறையினர் பொள்ளாச்சி வனச்சரக அலுவலர் காசிலிங்கம் தலைமையில் விசாரணையில் ஈடுபட்டனர்.
இதில், செம்மேடு பகுதியை சேர்ந்த பாலகிருஷ்ணன் (48 )மாரப்பக் கவுண்டன் புதூரை சேர்ந்த தமிழரசன் (38) பெரியபோதுவை சேர்ந்த சுந்தர்ராஜ் ( 51 ) கேரள மாநிலம் நெடும்பாறையை சேர்ந்த பிரகாஷ் (29) மாரப்பக் கவுண்டன் புதூரை சேர்ந்த துரைசாமி (62 ) ஆகியோர் மானை வேட்டையாடியது தெரியவந்தது.
இதனையடுத்து, மான் வேட்டையாடிய 4 பேரும் 1972 வனப் பாதுகாப்பு சட்டத்தின்படி வழக்கு பதிவு செய்து கைது செய்யப்பட்டனர். மேலும் அவர்கள் மான் வேட்டைக்குப் பயன்படுத்திய நாட்டு துப்பாக்கி, இரட்டை குழல் துப்பாக்கி, 100 கிராம் மருந்து போன்றவையும் கைப்பற்றப்பட்டன.
