இதுகுறித்து, அவர் வெளியிட்டுள்ள அறிக்கையில் கூறியுள்ளதாவது, தமிழ்நாட்டில் நடைபெற வேண்டிய 21 சட்டமன்றத் தொகுதிகளில் 18 தொகுதிகளுக்கும் மட்டுமே நாடாளுமன்றத் தேர்தலுடன் வாக்குப்பதிவு நடைபெறும் என தேர்தல் ஆணையம் தெரிவித்தது. எஞ்சியுள்ள மூன்று தொகுதிகளுக்கும் சேர்த்தே இடைத்தேர்தல் நடத்த வேண்டும் என திமுக உள்ளிட்ட எதிர்க்கட்சிகள் வற்புறுத்தியதோடு மட்டுமல்லாமல் திமுக வழக்கும்கூட போட்டது.
இதற்கிடையில், சூலூர் தொகுதி அதிமுக எம்.எல்.ஏ மாரடைப்பால் காலமானதால் அத்தொகுதியும் காலியானதாக அறிவிக்கப்பட்டது. இதையடுத்து இந்த நான்கு தொகுதிகளுக்கும் இடைத்தேர்தல் வருகிற மே 19ஆம் தேதி நடைபெறும் என்று தேர்தல் ஆணையம் அறிவித்துள்ளது.
இந்த இடைத்தேர்தலால் ஆட்சி மாற்றமே நிகழும் வாய்ப்பும் இருப்பதால், இவைகளின் முடிவுகள் மிக முக்கிய அரசியல் திருப்பமாக அமையும். குறிப்பாக திருப்பரங்குன்றம், அரவக்குறிச்சி, சூலூர், மற்றும் ஒட்டப்பிடாரம்(தனி) ஆகிய நான்கு தொகுதிகளும் திருப்புமுனையாக இருக்கும் என்பதால், இந்த நான்கு தொகுதி வாக்காளர்களும் திமுக வேட்பாளர்களுக்கு வாக்களித்து வெற்றிப்பெறச் செய்ய வேண்டும். இவ்வாறு அதில் குறிப்பிடப்பட்டுள்ளது.
