சென்னை தலைமைச் செயலகத்தில் முதலமைச்சர் மு.க.ஸ்டாலினிடம் தமிழ்நாடு வணிகர் சங்க பேரமைப்பின் தலைவர் விக்கிரமராஜா கரோனா நிவாரண நிதியாக ரூ.1.10 கோடி காசோலையை வழங்கினார்.
பின்னர் செய்தியாளர்களிடம் அவர் கூறுகையில், "கரோனா தொற்றால் பாதிக்கப்பட்டு இறந்த வணிகர்களுக்கு நிவாரணம் வழங்கப்பட வேண்டும். செருப்பு, நகைக் கடைகள், துணிக்கடைகள் உள்ளிட்ட கடைகளை விரைவில் திறக்க வேண்டும்.
வணிகர்களை முன்களப் பணியாளர்களாக அறிவிக்க வேண்டும்.
வணிகர்களுக்கு என்று தடுப்பூசி முகாம்களை அமைத்துத் தர வேண்டும். கலைஞர் கருணாநிதி அறிவித்த வணிகர் நல வாரியத்தை விரிவாக்கம் செய்ய வேண்டும்" என்றார்.
இதையும் படிங்க: ஆயத்த ஆடைகள் தயாரித்து அனுப்ப முடியாமல் தேக்கம்!
