சூர்யா கூறியதில் என்ன தவறு? கி.வீரமணி கேள்வி

சென்னை: புதிய கல்விக் கொள்கை பற்றி சூர்யா கருத்து கூறியதற்கு பாராட்ட முடியாவிட்டாலும், மவுனமாக இருப்பதுதான் அரசுக்கு நல்லது என்று திராவிடர் கழகத் தலைவர் கி.வீரமணி கூறியுள்ளார்.

veeramani

Published : Jul 16, 2019, 6:34 PM IST

இது தொடர்பாக அவர் வெளியிட்டுள்ள அறிக்கையில், "பா.ஜ.க. - ஆர்.எஸ்.எஸ் அரசான மத்திய மோடி தலைமையிலான அரசு சென்ற முறையே கல்விக் கொள்கையை புதிதாக மாற்றியமைக்க ஓய்வு பெற்ற மூத்த ஐஏஎஸ் அதிகாரி டி.ஆர்.எஸ்.சுப்பிரமணியம் என்பவர் தலைமையில் ஒரு குழுவினை அமைத்து, அறிக்கையைப் பெற்றது. இந்தி, சமஸ்கிருதத் திணிப்பு மற்றும் சிறுபான்மைக் கல்வி நிறுவனங்களுக்கெதிரானப் போக்கு, குலக்கல்வி வேற்று ரூபத்தில் என்பது போன்ற பல கொள்கைகளும், நோக்கங்களும், வணிக மயம், கலாச்சாரப் பறிப்பு, மாநில உரிமைகள் பறிப்புப் போன்றவற்றையும் உள்ளடக்கமாகக் கொண்டதால் பலத்த எதிர்ப்பு கிளம்பியது.

அந்த அறிக்கையை மேலும் சீராக்குவதாகக் கூறி, ஓய்வு பெற்ற விண்வெளித் துறையில் பணியாற்றிய கஸ்தூரிரங்கனை தலைவராகக் கொண்டு இந்த புதிய தேசியக் கல்விக் கொள்கைத் திட்ட வரைவு (டிராப்ட்) தயாரிக்கப்பட்டு, தேர்தல் அறிவிப்பினால் வெளியிடப்படாமல், தேர்தல் முடிந்த பிறகு அறிவித்தனர். அதன்படி, கல்வியாளர்கள், முன்னாள் துணைவேந்தர்கள், பெற்றோர்கள், அரசியல் கட்சித் தலைவர்கள், சமூக ஆர்வலர்கள் உட்பட பலரும் கவலையோடு கருத்துகளைத் தெரிவித்து, ஜனநாயக அடிப்படையில் - விவாத மேடைக்கு இப்பொழுது வந்துள்ளது.

அந்த வரிசையில் பிரபல திரைப்பட நடிகரும், சமூகத்திற்கு தங்களது அறக்கட்டளை மூலம் பல கல்வி நிறுவனங்களுக்கும், ஏழை, எளிய மாணவர்கள் படிப்பிற்கும் உதவிடும் நடிகர் சூர்யா இந்தி திணிப்பு குறித்து அவரது கருத்தை கூறினார். மக்கள் இதனை ஏற்பதில் விழிப்புடன் இருக்க வேண்டும் என்று கூறினார். அது தொலைக்காட்சிகளிலும் ஒளிபரப்பாகியது. ஜனநாயகத்தில் எந்த குடிமகனுக்கும் கருத்துக் கூறும் உரிமையை அரசும், தனி நபர்களும் தடுக்கவோ, பறிக்கவோ, மிரட்டவோ, அதை வைத்து வேறு வழிகளில் பழிவாங்கவோ உரிமை இல்லை.

தமிழக பா.ஜ.க.வின் தலைவர், மன்னிப்புக் கேட்டு மண்டியிட்ட மமதைக்காரர், மாநில மந்திரி ஒருவர் நடிகர் சூர்யாவுக்கு என்ன தெரியும் என்று பேட்டி கொடுத்து, தங்களது மேதாவிலாசத்தைக் காட்டியிருக்கிறார்கள்! ஜனநாயக நாட்டில் மக்களின் குரல் வளையை நெரிப்பதா? வாக்குரிமை உள்ள எவரும் தங்களின் பிள்ளைகளின் எதிர்காலம், சமுதாயத்தின் முன்னேற்றம் பற்றி கவலைப்படத்தான் செய்வார்கள். துணிவுள்ள, தெளிவுள்ளவர்கள் சொல்வதைக் கண்டு பாராட்ட முடியாவிட்டாலும், மவுனமாகவாவது இருப்பதுதான் அரசுக்கு நல்லது.

தமிழ்நாட்டு மக்களின் வெறுப்பை ஆட்சியாளர்கள் இப்படி முந்திரிக்கொட்டைத்தனத்தோடு கேலி செய்வது, தவறாகக் கருத்துக் கூறி, தங்களது ஆணவ அறியாமையை வெளிச்சம் போட்டுக் காட்டுவது, திராவிட மண்ணின் அரசியலுக்கும், பொதுநலத்திற்கும் உகந்தது அல்ல. சொல்லுவது யாராக இருந்தாலும், ஆய்வு செய்யும் பக்குவம் வேண்டும். அதுவே நல்லரசுக்கு அடையாளமாகும்" என்று கூறினார்.

Intro:Body:பா.ஜ.க. - ஆர்.எஸ்.எஸ். அரசான மத்திய அரசு - மோடி தலைமையிலான அரசு - சென்ற முறையே கல்விக் கொள்கையை புதிதாக மாற்றியமைக்க ஓய்வு பெற்ற மூத்த அய்.ஏ.எஸ். அதிகாரி டி.ஆர்.எஸ்.சுப்பிரமணியம் என்பவர் தலைமையில் ஒரு குழுவினை அமைத்து, அறிக்கையைப் பெற்றது.

இந்தி, சமஸ்கிருதத் திணிப்பு மற்றும் சிறுபான்மைக் கல்வி நிறுவனங்களுக்கெதிரானப் போக்கு, குலக்கல்வி வேற்று ரூபத்தில் என்பது போன்ற பல கொள்கைகளும், நோக்கங்களும், வணிக மயம், கலாச்சாரப் பறிப்பு, மாநில உரிமைகள் பறிப்புப் போன்றவற்றையும் உள்ளடக்கமாகக் கொண்டதால் பலத்த எதிர்ப்பு கிளம்பியது.

அந்த அறிக்கையை மேலும் சீராக்குவதாகக் கூறி, ஓய்வு பெற்ற விண்வெளித் துறையில் பணியாற்றிய கஸ்தூரிரெங்கன் அவர்களைத் தலைவராகக் கொண்டு இந்த புதிய தேசியக் கல்விக் கொள்கைத் திட்ட வரைவு (டிராப்ட்) தயாரிக்கப்பட்டு, தேர்தல் அறிவிப்பினால், வெளியிடப்படாமல், தேர்தல் முடிந்து, இரண்டாம் முறையாக மோடி பிரதமராக - பெருத்த மெஜாரிட்டியோடு பதவியேற்ற நிலையில் வெளியிடப்பட்டு, ஒரு மாதம் 2019 ஜூன் இறுதிக்குள் - இதுபற்றி பொதுமக்கள், கல்வியாளர்கள் தங்கள் கருத்துகளைத் தெரிவிக்கக் கால அவகாசம் தரப்பட்டு, அது போதாது என்ற தொடர் அழுத்தத்தாலும் வேண்டுகோளாலும் மீண்டும் ஜூலை 31 ஆம் தேதிவரை கருத்துக் கூறிட கால அவகாசம் நீட்டிக்கப்பட்டுள்ளது.

பெற்றோர்கள், கல்வியாளர்கள், சமுக ஆர்வலர்கள் போன்றவர்கள் பொதுமக்கள் யார் வேண்டுமானாலும் கருத்துத் தெரிவிக்கலாம் என்று மத்திய அரசு கூறியுள்ளது.

அதன்படி, கல்வியாளர்கள், முன்னாள் துணைவேந்தர்கள், பெற்றோர்கள், அரசியல் கட்சித் தலைவர்கள், சமுக ஆர்வலர்கள் உள்பட பலரும் கவலையோடு கருத்துகளைத் தெரிவித்து, ஜனநாயக அடிப்படையில் - விவாத மேடைக்கு இப்பொழுது வந்துள்ளது.

அந்த வரிசையில் பிரபல திரைப்பட நடிகரும், சமுகத்திற்கு தங்களது அறக்கட்டளைமூலம் பல கல்வி நிறுவனங்களுக்கும், ஏழை, எளிய மாணவர்கள் படிப்பிற்கும் உதவிடும் சிவகுமார் கல்வி அறக்கட்டளை சார்பில், மேனாள் துணைவேந்தர் திருமதி வசந்திதேவி போன்றவர்களை அழைத்து - கருத்து, அறிவுரைகளைக் கேட்டும், அவர்களே ஆராய்ந்தும், இந்த வரைவுத் திட்டத்தினால் ஏராளமான அளவில் - பல தேர்வுகளைத் திணிப்பதினால், மாணவர்களின் இடைநிற்றல் (Dropouts) அதிகம் ஏற்படக்கூடும் என்பது போன்ற மறுக்கப்பட முடியாத பல கருத்துகளை, கூறியதோடு, ‘மக்கள் இதனை ஏற்பதில் விழிப்புடன் இருக்கவேண்டும்‘ என்றும் நடிகர் கலைஞர் சூர்யா அவர்கள் கூறினார். அது தொலைக்காட்சிகளிலும் ஒளிபரப்பாகியது.

ஜனநாயகத்தில் எந்த குடிமகனுக்கும் கருத்துக் கூற உள்ள உரிமையை எந்த அரசும், தனி நபர்களும் தடுக்கவோ, பறிக்கவோ, மிரட்டவோ, அச்சுறுத்தவோ, அதை வைத்து வேறு வழிகளில் பழிவாங்கவோ உரிமை இல்லை.

தமிழக பா.ஜ.க.வின் தலைவர், மற்றொரு வக்கணை வாய்ப் பேச்சுக்காரர் - மன்னிப்புக் கேட்டு மண்டியிட்ட மமதைக்காரர், மாநில மந்திரி ஒருவர் நடிகர் சூர்யாவுக்கு என்ன தெரியும் என்று பேட்டி கொடுத்து, தங்களது மேதாவிலாசத்தைக் காட்டியிருக்கிறார்கள்!

கருத்துச் சொல்லுங்கள் என்று கேட்டுவிட்டு, மக்களை நாட்டைப் பாதிப்பதால் எச்சரிக்கையுடன் மக்கள் இருக்கவேண்டும் என்று கருத்துக் கூறினால் அது தூண்டிவிடுவது’ ஆகிவிடுமா?

புயல் எச்சரிக்கை, நோய் எச்சரிக்கை விடும் வானிலை ஆய்வாளர்கள் எல்லாம் மக்களை அச்சுறுத்துபவர்களாவார்களா? என்னே மமதை! எவ்வளவு பேதமை!

ஜனநாயக நாட்டில் மக்களின் குரல் வளையை நெரிப்பதா? வாக்குரிமை உள்ள எவரும் தங்களின் பிள்ளைகளின் எதிர்காலம், சமுதாயத்தின் முன்னேற்றம்பற்றி கவலைப்படத்தான் செய்வார்கள்.

பெரும் கல்வியாளர்கள் கேட்கிறார்களே,
1. இந்தக் குழுவில் இடம்பெற்ற கல்வியாளர்கள் எத்தனைப் பேர்?
கல்வியாளர்களே (பெரிதும்) இல்லாத குழு. ஒரே ஒருவர் (அத்தி பூத்ததுபோல) உள்ளது - சரியான கல்விக் குழுவாகுமா?
கேட்டாரே பிரபல கல்வியாளர் எஸ்.எஸ்.இராஜகோபாலன்; அதற்குப் பதில் உண்டா?
2. பல மொழிகளை பிஞ்சு மனதில் படிக்க வற்புறுத்த அது வகுப்பறையா - மொழியைக் கற்பிக்கும் பட்டறையா?
3. இடையறாத நுழைவுத் தேர்வு, தேர்வால் இடைநிற்றல் தவிர்க்க இயலாததாகி விடாதா - என்ற கேள்வி நியாயமல்லவா?
4. நமது அரசியல் சட்டம் ஆணையிட்ட சமுகநீதி இட ஒதுக்கீடுபற்றி ஏன் கல்வித் திட்ட வரைவு மவுனம் சாதிக்கிறது?
5. மேனாள் துணைவேந்தர் திருமதி வசந்திதேவி அவர்களும், மற்ற கல்வியாளர்களும் கேட்கிறார்களே - வணிக மயமும், மாநிலக் கல்வி உரிமை பறிப்பும், தனியார் மயமும் ஆக்கிடும் இக்கல்வி வரைவு எதிர்காலத்தில் பன்முகக் கலாச்சாரங்களைப் பறித்துவிடும் என்று ஆதாரப்பூர்வமாகக் கூறியுள்ளார்களே அதுபற்றி மறுப்புக் கூற முடியுமா?

6. ஆச்சாரியாரின் (ராஜாஜியின்) குலக்கல்வித் திட்டத்தை - மனுமுறைக் கல்வியை வேறு பாத்திரத்தில் ஊற்றிக் கொடுப்பது அல்லாமல் வேறு என்ன?

இப்படி மக்கள் விரோத நிலைப்பாட்டை எடுத்தமையால், கொத்தடிமை போல் மத்திய அரசுக்கு மாநில மந்திரிகள் குட்டக் குட்ட குனிந்து கொடுப்பதின் காரணமாகத்தான் நாடாளுமன்றத் தேர்தலிலும், இடைத் தேர்தலிலும் பெரும் தோல்விகளைச் சந்தித்தனர்.

அதுபற்றி யோசித்து, உறவுக்குக் கை கொடுப்பது வேறு; சாஷ்டாங்க நமஸ்காரம் வேறு என்பதைப் புரிந்து, தாங்கள் செய்யவேண்டிய கடமையை மறக்கலாமா? துணிவுள்ள, தெளிவுள்ளவர்கள் சொல்வதைக் கண்டு பாராட்ட முடியாவிட்டாலும், மவுனமாகவாவது இருப்பதுதான் அரசுக்கு நல்லது.

தமிழ்நாட்டு மக்கள் வெறுப்பை ஆட்சியாளர்கள் இப்படி முந்திரிக்கொட்டைத்தனத்தோடு கேலி செய்வது, தவறாகக் கருத்துக் கூறி, தங்களது ஆணவ அறியாமையை வெளிச்சம் போட்டுக் காட்டுவது, திராவிட மண்ணின் அரசியலுக்கும், பொதுநலத்திற்கும் உகந்தது அல்ல.
சொல்லுவது யாராக இருந்தாலும், ஆய்வு செய்யும் பக்குவம் வேண்டும். அதுவே நல்லரசுக்கு அடையாளமாகும்.Conclusion:

For All Latest Updates