தமிழ்நாட்டு வேலைவாய்ப்பில் தமிழர்களுக்கு முன்னுரிமை வேண்டும் - திருமுருகன் காந்தி - திருமுருகன் காந்தி

சென்னை: தமிழ்நாட்டு வேலைவாய்ப்பில் தமிழர்களுக்கு முன்னுரிமை வழங்க சட்டம் இயற்ற வேண்டுமென திருமுருகன் காந்தி வலியுறுத்தியுள்ளார்.

தமிழ்நாட்டில் வேலை என்பது தமிழர்களுக்கு-திருமுருகன் காந்தி!

Published : Aug 2, 2019, 7:01 AM IST

இதுகுறித்து அவர் கூறுகையில், தமிழ்நாட்டு வேலைவாய்ப்பில் தமிழர்களுக்கு முன்னூரிமை அளிக்க தமிழ்நாடு அரசு சட்டம் இயற்ற முன்வர வேண்டும்.

இது ஒன்றும் புதிதான சட்டமல்ல இந்தியாவில் நிறைய மாநிலங்களில் இது மாதிரியன சட்டம் அமுலில்
உள்ளது.

குறிப்பாக இச்சட்டம் முதலில் ஒடிசாவில் 2010ல் கொண்டுவரப்பட்டது. இதேபோல 2016ஆம் ஆண்டு ஜார்கண்டில் இச்சட்டத்தை அமுல்படுத்தினார்கள்.

தற்போது கூட ஆந்திராவில் இதுபோன்ற சட்டம் உள்ளது. ஆகவே பிறமாநிலங்களில் இருப்பதை போலவே தமிழ்நாட்டிலும் இச்சட்டம் இயற்ற வேண்டுமென கோரிக்கை வைக்கிறேன், இவ்வாறு அவர் கூறினார்.

Intro:Body:தமிழகத்தில் தமிழருக்கு வேலை இல்லாத நிலை. ஆனால் ஆந்திர பிரதேசத்தில் புதிதாக முதல்வர் அரியணை ஏறியுள்ள ஜெகன்மோகன் ரெட்டி ஆந்திராவில் இயங்கிவரும் தனியார் துறையில் 75 சதவிகித பணியிடங்கள் ஆந்திர மக்களுக்கே வழங்க வேண்டும் என்று சட்டம் இயற்றியுள்ளார். அதுமட்டுமின்றி திறமை குன்றியவர்களுக்கு பயிற்சி அளித்து வேலைக்கு சேர்த்துக்கொள்ள வேண்டும் என்றும் அவர் உத்தரவிட்டுள்ளார்.

தமிழகத்தில் தமிழருக்கு வேலையில்லை என்ற குரல் பரவலாக ஒலித்து வருகிறது. தமிழகத்திலுள்ள மத்திய அரசு பணியிடங்களில் 90 சதவிகித பணியிடங்களும், தனியார் நிறுவனங்களில் 80 சதவிகித பணியிடங்களும் தமிழருக்கே என்ற சட்டம் இயற்ற வேண்டும் என்று பலரும் வலியுறுத்தி வருகின்றனர். இந்த விவகாரம் வீறு கொண்டு எழ காரணமாக இருந்தது இங்கிருக்கும் மத்திய அரசு பணியிடங்களும் அதில் ஆதிக்கம் செலுத்தி வரும் வடமாநிலத்தவரும் தான்.

தமிழகத்தில் இருக்கும் மத்திய அரசு பணியிடங்களில் குறிப்பாக ரயில்வே துறையில் தமிழர் அல்லாத தமிழ் பேச தெரியாத வேற்று மாநிலத்தவர்கள் பணியில் அமர்த்தப்பட்டு வந்தனர். இதனால் தமிழக இளைஞர்கள் வேலை வாய்ப்பை இழப்பதுடன் தமிழ் மொழி தெரியாத பணியாளர்களால் மக்களுக்கு ஏற்படும் சந்தேகங்களை தீர்க்க முடியவில்லை என்று குற்றச்சாட்டுகள் எழுந்தன. இதனை எதிர்த்து தமிழக வாழ்வுரிமைக் கட்சி, தமிழ்த்தேசிய பேரியக்கம் போன்றோர் சார்பில் பல போராட்டங்கள் நடைபெற்றது. அவ்வாறு திருச்சியில் தமிழ்த்தேசிய பேரியக்கம் சார்பில் நடத்தப்பட்ட போரட்டத்தின் போது ‘தமிழக வேலை தமிழருக்கே’ என்ற ஹாஷ் டாக் ட்விட்டரில் ட்ரெண்ட் ஆகி தமிழர்கள் மத்தியில் பேராதரவை பெற்றது.

இந்த நிலையில் தான் மதுரை அருகே இரு ரயில்கள் ஒரே தண்டவாளத்தில் நேருக்கு நேர் மோத நேர்ந்து பின்பு தடுக்கப்பட்டது. இதற்கு வட மாநில பணியாளருக்கும் தமிழகத்தை சேர்ந்த பணியாளருக்கும் இடையே ஏற்பட்ட மொழி வேறுபாட்டால் தகவல் சரியாக வழங்கப்படாததே இந்த குழப்பத்துக்கு காரணம என்று ரயில்வே சார்பில் தகவல் அளிக்கப்பட்டது. இதனால் இனி தெற்கு ரயில்வே துறையில் இந்தியை மட்டுமே அலுவல் மொழியாக பயன்படுத்த வேண்டும் என்று மத்திய அரசு சுற்றரிக்கை அனுப்பியது. இதற்கு பலத்த எதிர்ப்பு கிளாம்பியதால் பிறகு அது ரத்து செய்யப்பட்டது.

அதேபோல் தமிழக மின்வாரிய கழகத்தில் காலியாக இருந்த 300 உதவிப் பொறியாளர் பணியிடங்களில் 39 வெளி மாநிலத்தவர் தேர்வாகி பணியமர்த்தப்பட்டனர். தமிழக அரசு பணியிடங்களில் வெளி மாநிலத்தவரும், நேபாளம், மியான்மர், வங்கதேசம் உள்ளிட்ட 14 நாடுகளிலிருந்து புலம் பெயர்ந்தோரும் பணி அமர்த்தப்படலாம் என்று துணை முதல்வர் ஓ.பன்னீர் செல்வம் சட்டப்பேரவையில் கொன்டு வந்த சட்டமசோதாவே இதற்கு வழிவகுத்தது.

ஜெகன்மோகன் ரெட்டியின் இய்ற்றிய சட்ட மசோதாவை தமிழக அரசியல் கட்சி தலைவர்கள் சிலர் வரவேற்றுள்ளனர். மேலும் இதனை முன்மாதிரியாக எடுத்துகொண்டு தமிழகத்திலும் இது போன்ற சட்டம் இயற்றி வேலைவாய்ப்பின்மையை போக்க வேண்டும் என்பதே அனைவரின் கோரிக்கையாக உள்ளது. Conclusion:

For All Latest Updates