தமிழ்நாடு அரசு போக்குவரத்துத் துறை சார்பில் ஏற்பாடு செய்யப்பட்டுள்ள பொங்கல் பண்டிகை சிறப்புப் பேருந்துகளில் இதுவரை ஒரு லட்சத்து 84 ஆயிரத்து 724 பேர் முன் பதிவு செய்துள்ளதாக போக்குவரத்துக் கழகம் தெரிவித்துள்ளது.
போக்குவரத்து துறையின் சார்பில் பொங்கல் பண்டிகையை முன்னிட்டு ஏற்பாடு செய்யப்பட்டுள்ள சிறப்பு பேருந்துகளின் இயக்கம் இன்று (13.01.2020) காலை 08.00 மணி நிலவரப்படி, வழக்கமாக இயக்கப்படும் பேருந்துகளின் எண்ணிக்கையான 2,225 பேருந்துகளில் 450 பேருந்துகளும் 82 சிறப்புப் பேருந்துகளும் இயக்கப்பட்டுள்ளன.
கடந்த 10.01.2020ஆம் தேதி முதல் 13.01.2020ஆம் தேதி காலை 08.00 மணி வரை மொத்தம் எட்டாயிரத்து 984 பேருந்துகளில் நான்கு லட்சத்து 53 ஆயிரத்து 292 பேர் பயணித்துள்ளனர். முன்பதிவின் மூலம் இதுவரை 9 கோடியே 55 லட்சம் ரூபாய் வருவாய் ஈட்டப்பட்டுள்ளதாக தெரிவிக்கப்பட்டுள்ளது.
இதையும் படிங்க: பொங்கல் விழாவில் பங்கேற்ற தமிழிசை சவுந்தரராஜன்
