உள்ளாட்சித் தேர்தல்; தெலுங்கர் கூட்டமைப்பு திமுகவுக்கு ஆதரவு!

நடைபெறவுள்ள உள்ளாட்சித் தேர்தலில் தெலுங்கர் கூட்டமைப்பு திமுகவுக்கு ஆதரவு அளித்துள்ளது.

சேலம் : நடைபெறவுள்ள நகர்ப்புற உள்ளாட்சி தேர்தலில் திமுக கூட்டணிக்கு தேசிய தெலுங்கர் சிறுபான்மையினர் சமூக கூட்டமைப்பினர் ஆதரவு தெரிவித்துள்ளது.
தமிழ்நாட்டில் நகர்ப்புற உள்ளாட்சி தேர்தல் வருகின்ற 19ஆம் தேதி நடைபெற உள்ள நிலையில், திமுக தலைமையிலான கூட்டணிக்கு தேசிய தெலுங்கர் சிறுபான்மையினர் சமூக கூட்டமைப்பு ஆதரவு தெரிவித்துள்ளது.
இது தொடர்பாக சேலத்தில் செய்தியாளர்களுக்கு பேட்டியளித்த கூட்டமைப்பின் மாநில பொதுச்செயலாளர் அரவிந்தன், “தமிழ்நாடு முழுவதும் திமுக தலைமையிலான கூட்டணி வெற்றி பெற தீவிர பிரச்சாரம் செய்ய உள்ளோம்.

தெலுங்கு மொழி பேசும் சமூகத்தினரின் நீண்ட நாள் கோரிக்கையான தெலுங்கு மக்கள் தனி நல வாரியம் அமைக்க தமிழக முதலமைச்சர் மு.க.ஸ்டாலின் நடவடிக்கை எடுக்க வேண்டும்" எனத் தெரிவித்தார்.

இதையும் படிங்க : மதிமுக பொதுச்செயலாளர் வைகோவுக்கு கரோனா தொற்று உறுதி