சென்னை : பாலிடெக்னிக் விரிவுரையாளர் தேர்வில் பெண் தேர்வர்கள் 70 ஆயிரத்து 195 பேரும், ஆண் தேர்வர்கள் 67 ஆயிரத்து 804 தேர்வர்களும், 12 திருநங்கைகளும் விண்ணப்பம் செய்துள்ளனர். மேலும் 18 இணை இயக்குநர்களும், 530 கல்வித்துறை அதிகாரிகளும் கண்காணிப்பு பணியில் ஈடுப்பட்டுள்ளனர். 150 தேர்வு மையங்களில் கணினி மூலம் தேர்வு எழுதுகின்றனர்.
டிசம்பர் 8ஆம் தேதி முதல் 12ஆம் தேதி வரை 15 பாடங்களுக்கு 5 நாட்கள் காலை ,மாலை நேரங்களில் 10 பிரிவுகளாக தேர்வு கணினி மூலம் நடத்தப்படுகிறது. டிசம்பர் 8 ந் தேதி 23 ஆயிரம் நபர்களும், 9 ந் தேதி 21 ஆயிரம் நபர்களும், 10 ந் தேதி 24 ஆயிரம் நபர்களும், 11 ந் தேதி 32 ஆயிரம் நபர்களும், 12 ந் தேதி 36 ஆயிரம் தேர்வர்களும் எழுதுவதற்கு ஏற்பாடுகள் செய்யப்பட்டுள்ளன.
34 மையங்களில் தேர்வு
தமிழ்நாட்டில் சென்னை, மயிலாடுதுறை, திருப்பத்தூர், ராணிப்பேட்டை ஆகிய 4 மாவட்டங்களை தவிர 34 மாவட்டங்களில் தேர்வு மையங்கள் அமைக்கப்பட்டு தேர்வு நடைபெறுகிறது.
கண்காணிப்பு
தேர்வர்கள் பரிசோதனை செய்யப்பட்ட பின்னரே தேர்வு மையத்திறகுள் அனுமதிக்கப்பட்டனர். மொபைல் போன் மின்னணு சாதனங்கள் கொண்டு செல்ல அனுமதியில்லை. கணினி மூலம் நடைபெறும் தேர்வினை ஆசிரியர் தேர்வு வாரியத்தில் இருந்து தொடர்ந்து கண்காணித்து வருகின்றனர்.
இதையும் படிங்க : ரயில்வே பணியாளர் தேர்வுக்காக நிராகரிக்கப்பட்ட விண்ணப்பங்களை புதுப்பிக்க ஒரு வாய்ப்பு
