மாணவர்கள் குறைவு... ஆசிரியர் பயிற்சி நிறுவனங்களை மூட உத்தரவு! - institute if no admission

சென்னை: தனியார் ஆசிரியர் பயிற்சி நிறுவனங்களில் மாணவர்கள் சேர்க்கை குறைவாக உள்ள பயிற்சி நிறுவனங்களை மூட தமிழ்நாடு அரசு, அலுவலர்களுக்கு அதிரடியாக உத்தரவிட்டுள்ளது.

ஆசிரியர் பயிற்சி நிறுவனம்

Published : May 31, 2019, 11:19 AM IST

Updated : May 31, 2019, 11:35 AM IST

தமிழ்நாட்டில் 247 தனியார் ஆசிரியர் பயிற்சி நிறுவனங்கள், 29 அரசு நிதி உதவிபெறும் ஆசிரியர் பயிற்சி நிறுவனங்கள் செயல்பட்டுவருகின்றன.இந்நிலையில், பள்ளிக் கல்வித் துறை முதன்மைச் செயலர் பிரதீப் யாதவ் ஆசிரியர் பயிற்சி நிறுவனங்களில் மாணவர்கள் சேராவிட்டால் பயிற்சி நிறுவனங்களை மூட வேண்டும் என்று அறிக்கை வெளியிட்டுள்ளார்.

அவர் வெளியிட்டுள்ள அறிக்கையில், 'தமிழ்நாட்டைப் பொறுத்தவரை அரசு உதவிபெறும் ஆசிரியர் பயிற்சி நிறுவனங்கள், சுயநிதி ஆசிரியர் பயிற்சி நிறுவனங்களில் மாணவர் சேர்க்கைக்கு அனுமதிக்கப்பட்ட எண்ணிக்கையில் 20 விழுக்காட்டிற்கு குறைவாகவே அதிகமான ஆசிரியர் பயிற்சி நிறுவனங்கள் செயல்படுகிறது.

இதனால், அரசு நிதி உதவிபெறும் ஆசிரியர் பயிற்சி நிறுவனங்களுக்கு மானியம் வழங்குவது வீண் செலவினம் எனக் கருதப்படுகிறது. தென்மண்டல தேசிய ஆசிரியர் கல்விக் குழுமத்தால் நிர்ணயம் செய்யப்படும் மாணவர்களின் எண்ணிக்கை அடிப்படையில் (அதாவது 40, 50, 80, 100) சேர்க்கை செய்யப்படுகின்றனர்.

2019-20ஆம் கல்வி ஆண்டு முதல் தேசிய ஆசிரியர் கல்விக் குழுமங்கள் அனுமதிக்கப்பட்ட மொத்த மாணவர் எண்ணிக்கையில் 30 விழுக்காடு மாணவர்கள் சேர்ந்திருந்தால் தொடர்ந்து செயல்பட அனுமதிக்கலாம்.

30 விழுக்காட்டிற்கு குறைவாக மாணவர் சேர்க்கை உள்ள நிறுவனங்களை 2019-20ஆம் கல்வி ஆண்டிற்கு பிறகு, 2020-21 கல்வி ஆண்டு முதல் மாணவர் சேர்க்கைக்கு அனுமதிக்கக் கூடாது. எனவே மாணவர் அரசு நிதி உதவிபெறும், சுயநிதி ஆசிரியர் பயிற்சி நிறுவனங்களை மூட வேண்டும்' என்று குறிப்பிட்டுள்ளார்.

Intro:ஆசிரியர் பயிற்சி நிறுவனங்களில்
மாணவர் சேராவிட்டால் மூடுங்கள்
தமிழக அரசு அதிகாரிகளுக்கு அதிரடி உத்தரவு

Body:சென்னை, அரசு உதவி பெறும் மற்றும் சுயநிதி ஆசிரியர் பயிற்சி நிறுவனத்தில் 30 சதவீதத்திற்கும் குறைவாக மாணவர்கள் சேர்ந்து இருந்தால் அடுத்தாண்டு முதல் மூட வேண்டும் என தமிழக அரசு அதிரடியாக உத்தரவிட்டுள்ளது.
தமிழகத்தில் ஒன்று முதல் ஐந்தாம் வகுப்பு வரை பயிலும் மாணவர்களுக்கு கற்பிப்பதற்காக தொடக்க கல்வி பட்டய படிப்பு முடித்த ஆசிரியர்கள் தற்பொழுது நியமிக்கப்பட்டு வருகின்றனர். ஆனால் தொடக்கக் கல்வி பட்டயப் படிப்பு முடித்த ஆசிரியர்கள் 10 ஆண்டுகளுக்கு முன்பு எட்டாம் வகுப்பு வரை மாணவர்களுக்கு பாடம் நடத்தி வந்தனர். இதனால் இந்த பட்டயப் படிப்பில் அதிக அளவில் பன்னிரண்டாம் வகுப்பு முடித்த மாணவர்கள் சேர்ந்தனர். 12 ஆம் வகுப்பில் சேரும் மதிப்பின் அடிப்படையில் சேர்க்கை நடைபெற்றதால் அரசு சேர்வதற்கு நிர்ணயித்த மதிப்பெண்களை விட அதிக அளவில் மதிப்பெண் பெற்றவர்களே முன்பு சேர்ந்து வந்தனர்.
ஆனால் ஆசிரியர் பட்டய படிப்பு படித்துவிட்டு தற்போது தொடர்ந்து வேலை இல்லாத சூழ்நிலை நிலவுவதால் இந்தப் படிப்பில் சேருவதற்கு மாணவர்கள் ஆர்வம் காட்டவில்லை.
தமிழகத்தில் தற்போது 247 தனியார் ஆசிரியர் பயிற்சி நிறுவனங்களும்,29 அரசு நிதி உதவி பெறும் ஆசிரியர் பயிற்சி நிறுவனங்கள் செயல்பட்டு வருகின்றன.
இந்நிலையில் பள்ளிக் கல்வித்துறை முதன்மைச் செயலாளர் பிரதீப் தகவல் வெளியிட்டுள்ள அரசாணையில் கூறப்பட்டுள்ளதாவது, தமிழகத்தைப் பொருத்தவரை அரசு உதவி பெறும் ஆசிரியர் பயிற்சி நிறுவனங்கள் மற்றும் சுயநிதி ஆசிரியர் பயிற்சி நிறுவனங்களில் மாணவர் சேர்க்கைக்கு அனுமதிக்கப்பட்ட எண்ணிக்கையில் 20 சதவீதத்திற்கு குறைவாகவே அதிகமான ஆசிரியர் பயிற்சி நிறுவனங்களில் மாணவர்கள் சேர்க்கை செய்கின்றனர். இதனால் அரசு நிதி உதவி பெறும் ஆசிரியர் பயிற்சி நிறுவனங்களுக்கு மானியம் வழங்குவது வீண் செலவினம் என கருதப்படுகிறது.
தென்மண்டல தேசிய ஆசிரியர் கல்விக் குழுமத்தால் நிர்ணயம் செய்யப்படும் மாணவர்களின் எண்ணிக்கை அடிப்படையில்(அதாவது 40,50,80,100) சேர்க்கை செய்யப்படுகின்றனர். எனவே குறைந்தபட்சம் மாணவர் சேர்க்கை என்பதை அனுமதிக்கப்பட்ட மாணவர் எண்ணிக்கையில் 30 சதவீதம் இருந்தால் மட்டுமே அரசு நிதி உதவி பெறும் ஆசிரியர் பயிற்சி நிறுவனங்கள் மற்றும் சுயநிதி ஆசிரியர் பயிற்சி நிறுவனங்களை தொடர்ந்து செயல்பட அனுமதிக்கலாம்.
அரசு உதவி பெறும் ஆசிரியர் பயிற்சி நிறுவனங்கள் மற்றும் சுயநிதி ஆசிரியர் பயிற்சி நிறுவனங்கள் 2019-20 ம் கல்வி ஆண்டு முதல் தேசிய ஆசிரியர் கல்விக் குழுமங்கள் அனுமதிக்கப்பட்ட மொத்த மாணவர் எண்ணிக்கையில் 30 சதவீதம் மாணவர்கள் சேர்த்திருந்தால் தொடர்ந்து நடத்துவதற்கும், 30 சதவீதத்திற்கு குறைவாக மாணவர் சேர்க்கை உள்ள நிறுவனங்களை 2019-20 ம் கல்வி ஆண்டு மட்டும் மாணவர் சேர்க்கை நடத்த அனுமதிக்கலாம்.2020-21 கல்வி ஆண்டு முதல் மாணவர் சேர்க்கைக்கு அனுமதிக்கக் கூடாது.
மாணவர் சேர்க்கை இல்லாத அரசு நிதி உதவி பெறும் மற்றும் சுயநிதி ஆசிரியர் பயிற்சி நிறுவனங்களில் இரண்டாம் ஆண்டு பயிலும் மாணவர்கள் பயிற்சியை முடித்தவுடன் அரசு உதவி பெறும் ஆசிரியர் பயிற்சி நிறுவனங்களுக்கான மானியத்தை நிறுத்த வேண்டும்.
அரசு நிதி உதவி பெறும் மற்றும் சுயநிதி ஆசிரியர் பயிற்சி நிறுவனங்களை மூடுவதற்கும் அவற்றில் அங்கீகாரத்தை ரத்து செய்யவும் நடவடிக்கை மேற்கொள்ள வேண்டும் என அதில் கூறியுள்ளார்.

Conclusion:

Last Updated : May 31, 2019, 11:35 AM IST

For All Latest Updates