சென்னை: அருகே தியாகராய நகர் பார்த்தசாரதிபுரம் பகுதியைச்சேர்ந்தவர், அத்வைத் (18). இவர் ஆன்லைனில் பொருட்களை வியாபாரம் செய்யும் வேலை செய்து வருகிறார். அத்வைத், அவரது நண்பரான சஞ்சய் இருவரும் நேற்று இரவு வளசரவாக்கம் மதுபானக்கடையில் மது அருந்தியுள்ளனர்.
பின்னர் ஆலம்பாக்கத்தில் உள்ள நண்பர் பார்த்தசாரதியை பார்ப்பதற்கு இருசக்கர வாகனத்தில் இருவரும் சென்று உள்ளனர். அப்போது இருசக்கர வாகனத்தில் பெட்ரோல் காலியாகி விட்டதால் சாலையில் நின்றுள்ளனர். அப்போது அவ்வழியாக இரண்டு இருசக்கர வாகனத்தில் வந்த நபர்களிடம் உதவி கேட்டுள்ளனர்.
அப்போது இரண்டு இரு சக்கர வாகனத்தில் வந்த ஆறு நபர்கள் உதவி செய்வதுபோல், இருசக்கர வாகனத்தை டோக் செய்து கொண்டு, பாழடைந்த வீடு அருகே நிறுத்திவிட்டு, இருவரையும் அடித்து, கத்தியைக்காட்டி மிரட்டி, அவர் கையில் இருந்த வாட்ச், பணம், செயின் உள்ளிட்டவற்றைப் பறித்துக்கொண்டு சஞ்சயை ஏடிஎம் மையத்திற்கு அழைத்துச்சென்று அவர் வங்கிக்கணக்கில் இருந்து ரூ.2000 எடுத்துக்கொண்டு அங்கிருந்து தப்பிச்சென்றுள்ளனர்.
பின்னர் இது குறித்து இருவரும் கோயம்பேடு காவல் நிலையத்தில் புகார் அளித்துள்ளனர். புகாரின் அடிப்படையில் வழக்குப்பதிவு செய்த போலீசார் சம்பவ இடத்திற்குச்சென்று சிசிடிவி காட்சிகள் மூலம் சந்தேகத்திற்குரிய நபர்களை தீவிரமாகத் தேடி வருகின்றனர்.
இதையும் படிங்க:ஓடும் ரயிலில் பெண் காவலருக்கு கத்தி குத்து... பகிரங்க வாக்குமூலம் கொடுத்த குற்றவாளி
