சென்னை: விமான நிலையத்தில் ரூபாய் 250 கோடி செலவில் 3.36 லட்சம் சதுர அடி பரப்பில் 6 அடுக்கு மாடிகளுடன் கூடிய அதி நவீன மால்டி லெவல் கார் பார்க்கிங் அமைக்கப்பட்டுள்ளது. இந்த காா் பாா்க்கிங்கில் சுமாா் 2 ஆயிரம் காா்களை நிறுத்த முடியும். இந்த கார் பார்க்கிங் பணி இந்த ஆண்டு தொடக்கத்திலேயே நிறைவடைந்தது. எனவே கடந்த ஜனவரி மாத கடைசியில் இருந்து இன்னும் ஒரு மாதத்தில் புதிய நவீன கார் பார்க்கிங் செயல்பாட்டுக்கு வரும் என்று இந்திய விமான நிலைய ஆணையம் அறிவித்துக் கொண்டே இருந்தது.
இந்த நிலையில் இந்த ஆண்டு ஜுலை மாதம் 9ஆம் தேதி இந்திய விமான நிலைய ஆணையம் வெளியிட்ட செய்தி குறிப்பில், மல்டி லெவல் காா் பாா்க்கிங்கில் அனைத்து பணிகளும் நிறைவடைந்து விட்டன. இந்த அதிநவீன ஆறடுக்கு மல்டி லெவல் கார் பார்க்கிங் 2022 ஆகஸ்ட் ஒன்றாம் தேதி முதல் பயன்பாட்டிற்கு வரும் என்று அறிவித்தனர்.
அதோடு இந்த கார் பார்க்கிங்கில் மின்சார வாகனங்களையும் நிறுத்தலாம் அந்த மின்சார வாகனங்களுக்கு இங்கேயே மின்சக்தி சாா்ஜ் செய்து கொள்ளலாம். அதை இணையதளம் மூலம் முன்பதிவு செய்து கொண்டு அதற்கான கட்டணத்தையும் செலுத்தி கொள்ளலாம் என்று அறிவித்தனர்.
இந்த அதிநவீன மல்டி லெவல் கார்பாா்க்கிங்கில் ஒரே நேரத்தில் 2 ஆயிரத்திற்கும் அதிகமான வாகனங்களை நிறுத்தலாம் என்றும் அறிவிக்கப்பட்டது. இதனால் சென்னை விமான நிலைய பயணிகள் இனி வாகன நெரிசல்கள் இருக்காது என்று நிம்மதியடைந்தனா். ஆனால் அறிவித்தப்படி ஆகஸ்ட் 1ஆம் தேதியிலிருந்து கார் பாா்க்கிங் செயல்பாட்டுக்கு வரவில்லை.
இதுகுறித்து விமானநிலைய அதிகாரி ஒருவர் இந்த கார் பார்க்கிங்கிற்கு தீயணைப்பு துறை தடையில்லா சான்று வரவில்லை. அதோடு ஏற்கனவே உள்ள பழைய கார் பாா்க்கிங் ஊழியா்கள் தொடா்ந்த வழக்கு நீதிமன்றத்தில் உள்ளது. எனவே கார் பாா்க்கிங் திறப்பு தள்ளி வைக்கப்பட்டுள்ளது. விரைவில் செயல்பாட்டிற்கு வரும் என்று தெறிவித்தார்.
ஆனால் பணி முடிந்து 10 மாதங்களுக்கு மேலாகியும் இதுவரை புதிய கார் பாா்க்கிங் திறக்கப்படாமல் மூடிக்கிடக்கிறது. இந்த நிலையில் ஏற்கனவே சென்னை விமானநிலையத்தில் பயன்பாட்டில் இருக்கும் பழைய கார் பாா்க்கிங்கை பராமரிக்க தனியாா் நிறுவனத்திற்கு ஒப்பந்தம் கொடுக்கும் பணியை இந்திய விமானநிலைய ஆணையம் தொடங்கியுள்ளது.
ஒப்பந்தம் எடுக்கும் தனியாா் நிறுவனம் குறைந்தபட்சம் 6 மாதங்களிலிருந்து புதிய அடுக்குமாடி வாகன நிறுத்தம் செயல்பாட்டிற்கு வரும் வரை செயல்பட அனுமதிக்கப்படும் என்று கூறப்பட்டுள்ளது. மேலும் கட்டணமாக 30 நிமிடங்களுக்கு ரூ.40, 2 மணி நேரத்திற்கு ரூ.100 வசூலிக்க வேண்டும் என்றும் அறிவிக்கப்பட்டுள்ளது.
சென்னை விமானநிலையத்தில் கட்டப்பட்டுள்ள அதிநவீன மல்டி லெவல் கார் பாா்க்கிங்கை செயல்பாட்டிற்கு கொண்டு வராமல் ஆயிரம் காா்களுக்கும் குறைந்த காா்களை மட்டுமே நிறுத்தக்கூடிய 23 ஆயிரத்து 438 சதுர அடி பரப்புடைய பழைய காா் பாா்க்கிங்கையே தொடா்ந்து பயன்படுத்த சென்னை விமானநிலைய நிா்வாகம் முடிவு செய்துள்ளது. இது விமான பயணிகளை மிகவும் சோகத்தில் ஆழ்த்தியுள்ளது.
விமானநிலைய அதிகாரிகளின் செயல்பாட்டை பாா்க்கும்போது அடுத்த 6 மாதங்களுக்கு புதிய கார்பார்க்கிங் செயல்பாட்டிற்கு வருவதற்கான வாய்ப்புகள் இல்லை என்று தெரிகிறது. இதனால் விமானநிலையத்தில் போக்குவரத்து நெரிசல் குறிப்பாக இரவு நேரங்களில் பெருமளவு ஏற்பட்டு பயணிகள் அவதிப்படுவதுர் தொடரும் நிலை ஏற்பட்டுள்ளது.
புதிய கார் பாா்க்கிங் செயல்பாட்டிற்கு வருவதற்கு தீயணைப்பு துறையின் தடையில்லா சான்று கிடைக்காதது மட்டும் காரணம் இல்லை என்றும், இந்த கட்டிடம் விமானநிலைய வளாகத்திற்குள் அமைந்துள்ளதால் BCAS எனப்படும் பீரோ ஆப் சிவில் ஏவியேஷன் செக்யூரிட்டி அனுமதி பெற வேண்டும். மேலும் சுற்றுசூழல் துறையின் அனுமதியும் பெறவில்லை என்று கூறப்படுகிறது.
இதைப்போன்ற காரணங்களால் ரூ.250 கோடியில் கட்டி முடிக்கப்பட்ட அதி நவீன மல்டி லெவல் கார் பாா்க்கிங் சுமார் 10 மாதங்களும் மேலாக திறக்க முடியாமல் மூடிக்கிடப்பதாக கூறப்படுகிறது. இது குறித்து விமான நிலைய அதிகாரி ஒருவரை தொடர்பு கொண்டு கேட்டால், விரைவில் அனைத்து அனுமதிகளும் பெற்றவுடன் கார் பார்க்கிங் பயன்பாட்டிற்கு கொண்டு வரப்படும் எனவும் தெரிவித்தார்.
இதையும் படிங்க: சென்னையில் 18 பேருக்கு ஐஎஸ்ஐஎஸ் அமைப்புடன் தொடர்பு?
