ஆரம்பப்பள்ளி அரசாணையை தமிழ்நாடு அரசு திரும்ப பெறவேண்டும்

சென்னை : ஆரம்பப் பள்ளி, நடுநிலைப் பள்ளியை நிர்வகிக்கும் அதிகாரத்தை மேல்நிலைப் பள்ளிக்கு அளிக்க வேண்டுமென வெளியிட்டுள்ள அரசாணையை , அரசு திரும்ப பெறவேண்டும் என ஆரம்பப்பள்ளி மாநில பொதுச்செயலாளர் ச.மயில் அறிக்கை வெளியிட்டுள்ளார்.

primary-school-teachers

Published : Aug 23, 2019, 9:08 PM IST

இதுகுறித்து அவர் வெளியிட்டுள்ள அறிக்கையில், தமிழ்நாட்டில் பள்ளிக் கல்வித் துறையின் கட்டுப்பாட்டின் கீழ் செயல்பட்டுவந்த தொடக்கக் கல்வித் துறை, 1994ஆம் ஆண்டு, அப்போது முதலமைச்சராக இருந்த ஜெயலலிதாவால் தனித்துறையாக பிரிக்கப்பட்டு தற்போது வரை செயல்பட்டுவருகிறது.

சமீபத்தில் தமிழ்நாடு அரசு வெளியிட்டுள்ள அரசாணையில் அரசு, மாநகராட்சி, நகராட்சி, ஊராட்சி ஒன்றிய தொடக்க, நடுநிலைப் பள்ளிகளை நிர்வகிக்கும் அதிகாரத்தை அதே பகுதியில் உள்ள உயர்நிலை, மேல்நிலைப் பள்ளிகளின் தலைமை ஆசிரியர்கள் வசம் அளிக்கப்பட வேண்டும் என அறிவித்துள்ளது.

தொடக்க, நடுநிலைப் பள்ளிகளை நிர்வகிக்க வட்டாரக் கல்வி அலுவலர், மாவட்டக் கல்வி அலுவலர், முதன்மைக் கல்வி அலுவலர் எனப் பல்வேறு நிலைகளில் அதிகாரிகள் இருக்கும் நிலையில் ஒரு பள்ளியின் தலைமை ஆசிரியர் இன்னொரு பள்ளியை கண்காணிப்பார் என்பதும், ஆய்வு செய்வார் என்பதும் ஏற்றுக் கொள்ளக்கூடியதாக இல்லை.

ஏனென்றால், உயர்நிலை, மேல்நிலைப் பள்ளி தலைமை ஆசிரியர்கள், தங்கள் பள்ளிகளில் பொதுத் தேர்வுகளை எதிர்கொள்ளும் 10, 11, 12ஆம் வகுப்பு மாணவர்களின் கல்வித் தரத்தை மேம்படுத்த வேண்டிய நிலையிலும், பொதுத் தேர்வில் தேர்ச்சி விகிதத்தை அதிகரிக்க வேண்டிய நிலையிலும் கடுமையான பணிப்பளுவைக் கொண்டுள்ள நிலையில், தொடக்க, நடுநிலைப் பள்ளிகளையும் நிர்வகிக்க வேண்டும் என்பது எவ்விதத்திலும் இருப் பள்ளிகளின் வளர்ச்சிக்கும் உதவாது.

இதுபோன்ற அரசாணைகள் எவ்விதத்திலும் கல்வி தரத்திற்கு உதவாது என்பதால் இந்த அரசாணைகளை தமிழ்நாடு அரசு உடனடியாக திரும்பப்பெற்று, தமிழ்நாட்டின் தொடக்கக் கல்வித்துறையை பாதுகாக்க வேண்டும். அவ்வாறு திரும்பப் பெறாவிட்டால் தமிழ்நாடு ஆரம்பப்பள்ளி ஆசிரியர் கூட்டணி மாநிலம் முழுவதும் தீவிரமான போராட்ட நடவடிக்கைகளில் ஈடுபடும்” என கூறியுள்ளார்.

Intro:ஜெயலலிதா உருவாக்கிய தொடக்கக்கல்வித்துறைக்கு மூடுவிழாவா?
போராட்டம் நடத்துவோம் என ஆசிரியர்கள் கொந்தளிப்பு Body:
ஜெயலலிதா உருவாக்கிய தொடக்கக்கல்வித்துறைக்கு மூடுவிழாவா?
போராட்டம் நடத்துவோம் என ஆசிரியர்கள் கொந்தளிப்பு

சென்னை,

தமிழ்நாடு ஆரம்பப்பள்ளி ஆசிரியர் கூட்டணியின் மாநிலப் பொதுச்செயலாளர் ச.மயில் வெளியிட்டுள்ள அறிக்கையில், தமிழகத்தில் தொடக்கக்கல்வித்துறையின் தனித்தன்மையையும், வளர்ச்சியையும் பாதிக்கக்கூடிய வகையில் தமிழக அரசு சமீபத்தில் வெளிட்டுள்ள அரசாணையையும், ஒருங்கிணைந்த பள்ளிக்கல்வித்திட்டத்தின் மாநில இயக்ககம் வெளியிட்டுள்ள செயல்முறை ஆணையையும் அரசு உடனடியாகத் திரும்பப்பெற வேண்டும் .
   தமிழகத்தில் தொடக்கக்கல்வித்துறையின் கீழ் 35 ஆயிரத்து 414 ஆரம்பப்பள்ளிகளும், 9 ஆயிரத்து 208 நடுநிலைப்பள்ளிகளும் செயல்பட்டு வருகின்றன. இப்பள்ளிகளில் சுமார் 50 லட்சத்திற்கும் மேற்பட்ட மாணவர்கள் படித்து வருகின்றனர். பள்ளிக்கல்வித்துறையின் கட்டுப்பாட்டின்கீழ் செயல்பட்டு வந்த இந்தப் பள்ளிகளை பல்வேறு ஆசிரியர் சங்கங்களின் கோரிக்கையை ஏற்றும், நிர்வாக வசதிக்காகவும், தொடக்கக்கல்வித்துறையின் வளர்ச்சிக்காகவும் ஜெயலலிதா முதலமைச்சராக இருந்தபோது 1994 ஆம் ஆண்டு தொடக்கக்கல்வித்துறையைத் தனியே பிரித்து தனி இயக்குநரகம் உருவாக்கினார்.
அதன்படி கடந்த 25 ஆண்டுகாலமாக தனி நிர்வாக அமைப்பாகச் செயல்பட்டு வந்த தொடக்கக்கல்வித்துறையை மீண்டும் பள்ளிக்கல்வித்துறையுடன் இணைக்கும் முயற்சிகளை தமிழக அரசு படிப்படியாகச் செய்து வருகிறது.
   சமீபத்தில் தமிழக அரசு வெளியிட்டுள்ள அரசாணை(நிலை) எண் 145 பள்ளிக்கல்வித் நாள்.20.08.2019-ன் படி ஒரே வளாகத்தில் செயல்படும் அரசு, மாநகராட்சி,நகராட்சி,ஊராட்சி ஒன்றிய தொடக்க, நடுநிலைப்பள்ளிகளை நிர்வகிக்கும் அதிகாரத்தை அதே வளாகத்தில் உள்ள உயர்நிலை, மேல்நிலைப்பள்ளிகளின் தலைமை ஆசிரியர்கள் வசம் அளிக்கப்பட்டுள்ளது.

அதேபோன்று கடந்த சில தினங்களுக்கு முன்பு ஒருங்கிணைந்த பள்ளிக்கல்வித்திட்டத்தின் மாநில இயக்ககம் வெளியிட்டுள்ள கடிதத்தில், குறுவள மையங்களின் தலைமையிடமாக மேல்நிலைப்பள்ளிகள் இருக்கும் என்றும் அந்த குறுவள மையங்களில் இடம்பெறும் தொடக்க, நடுநிலைப்பள்ளிகளைக் கண்காணிக்கும் அதிகாரம் மேல்நிலைப்பள்ளி தலைமையாசிரியர்களுக்கு வழங்கப்பட்டுள்ளது.

ஒரே வளாகத்தில் செயல்படும் வெவ்வேறு பள்ளிகளுக்கு வேறுவேறு தலைமை ஆசிரியர்கள் இருக்கும் நிலையில், குறுவள மையங்களில் இடம்பெற்றுள்ள ஒவ்வொரு பள்ளிக்கும் தலைமையாசிரியர் உள்ள நிலையிலும் இவ்வாறான உத்தரவு என்பது தொடக்கக்கல்வித்துறையை அழிக்கும் செயலாகவே கருதப்படும். மேலும் தொடக்க, நடுநிலைப்பள்ளிகளை நிர்வகிக்க வட்டாரக்கல்வி அலுவலர், மாவட்டக்கல்வி அலுவலர், முதன்மைக்கல்வி அலுவலர் எனப் பல்வேறு நிலைகளில் அதிகாரிகள் இருக்கும் நிலையில் ஒரு பள்ளியின் தலைமை ஆசிரியர் இன்னொரு பள்ளியை கண்காணிப்பார் என்பதும் , ஆய்வு செய்வார் என்பதும் பொருத்தமானதல்ல.
   மேலும், உயர்நிலை, மேல்நிலைப்பள்ளி தலைமை ஆசிரியர்கள் தங்கள் பள்ளிகளில் பொதுத்தேர்வுகளை எதிர்கொள்ளும் 10, 11, 12 ஆம் வகுப்பு மாணவர்களின் கல்வித்தரத்தை மேம்படுத்த வேண்டிய நிலையிலும், பொதுத்தேர்வில் தேர்ச்சி விகிதத்தை அதிகரிக்க வேண்டிய நிலையிலும் கடுமையான பணிப்பளுவைக் கொண்டுள்ள நிலையில் தொடக்க நடுநிலைப்பள்ளிகளையும் நிர்வகிக்க வேண்டும் என்பது எவ்விதத்திலும் பள்ளிகளின் வளர்ச்சிக்கு உதவாது.
   இதன் மூலம் தேசிய கல்விக்கொள்கை – 2019- ன் வரைவு அறிக்கையில் தெரிவிக்கப்பட்டுள்ள வளாகக்கல்வி, பள்ளிகள் இணைப்பு போன்ற ஏழை, எளிய, கிராமப்புற மாணவர்களின் கல்வியைப் பாதிக்கக்கூடிய அம்சங்களை தமிழக அரசு இப்போதே நடைமுறைப்படுத்துவது போல் தெரிகிறது.
   தொடக்கக்கல்வித்துறை தொடர்பாக வெளியிடப்படும் இதுபோன்ற அரசாணைகள் ஆரம்ப, நடுநிலைப்பள்ளிகளின் வளர்ச்சிக்கு எவ்விதத்திலும் உதவாது என்பதால் இந்த அரசாணைகளை தமிழக அரசு உடனடியாக திரும்பப்பெற்று தமிழ்நாட்டின் தொடக்கக்கல்வித்துறையை பாதுகாக்க வேண்டும் . அவ்வாறு திரும்பப் பெறாவிட்டால் தமிழ்நாடு ஆரம்பப்பள்ளி ஆசிரியர் கூட்டணி மாநிலம் முழுவதும் தீவிரமான போராட்ட நடவடிக்கைகளில் ஈடுபடும் என அதில் கூறியுள்ளார்.
            Conclusion:

For All Latest Updates

TAGGED:

ஆரம்பப்பள்ளி அரசாணையை தமிழ்நாடு அரசு திரும்ப பெறவேண்டும்

Quick Links / Policies

Get Us On

சிறப்பு கட்டுரைகள்

"ஆட்சியில் பங்கு" விஜயின் அரசியல் அணுகுண்டு : வேலை செய்யுமா?

53 ஆவது ஆண்டில் அடியெடுத்து வைக்கும் அதிமுக.. தொடர் தோல்விகளில் இருந்து மீளுமா?

டிஎன்பிஎஸ்சி 2025 ஆம் ஆண்டுக்கான உத்தேச தேர்வு அட்டவணை வெளியீடு

காந்தகார் விமானக்கடத்தல்: பணயக்கைதியின் நேரடி அனுபவம்! - KANDAHAR FLIGHT HIJACK