கத்தார் விமானத்தில் திடீா் இயந்திரக் கோளாறு - பயணிகள் அவதி

சென்னை: சென்னையில் இருந்து தோகா செல்லும் 'கத்தாா் ஏா்லைன்ஸ்' விமானம் திடீா் இயந்திரக் கோளாறு காரணமாக மூன்று மணிநேரம் தாமதமாக புறப்பட்டுச் சென்றது.

சென்னை மீனம்பாக்கம் விமான நிலையத்திலிருந்து இருந்து தோகா செல்லும் கத்தாா் ஏா்லைன்ஸ் விமானம் 274 பயணிகள், 7 விமான ஊழியா்கள் உள்பட 281 பேருடன் இன்று அதிகாலை 3.45 மணிக்கு புறப்படத் தயாரானது.

இந்த நிலையில் விமானம் ஓடுபாதையில் சென்று கொண்டிருந்த போது விமானத்தில் இயந்திரக் கோளாறு ஏற்பட்டுள்ளது. இதனை அறிந்த விமானி உடனடியாக விமானத்தை நிறுத்தியுள்ளார்.

பின்பு இயந்திரக் கோளாறு சரி செய்யப்பட்டு, 3 மணி நேரம் தாமதமாக காலை 6.45 மணிக்கு விமானம் புறப்பட்டுச் சென்றது. இதனால் பயணிகள் கடும் அவதிக்குள்ளாகினர்.