சுச்சி லீக்ஸ் மூலம் பிரபலம் அடைந்த சுசித்ரா(39), தனது கணவர் நடிகர் கார்த்திகுமாருடன் விவகாரத்தாகி கடந்த இரண்டு ஆண்டுகளாக சென்னை அடையார் காந்தி நகர் பகுதியில் அவரது குடும்பத்துடன் வசித்து வருகிறார்.
இந்நிலையில், கடந்த நான்கு நாட்களாக தனது அக்கா சுசித்ராவை காணவில்லை என திருவான்மியூரில் வசிக்கும் அவரது தங்கை சுஜிதா அடையாறு காவல் நிலையத்தில் புகாரளித்து உள்ளார்.
இது தொடர்பாக வழக்குப் பதிவு செய்த காவலர்கள், சுசித்ராவின் செல்ஃபோன் எண்ணை வைத்து அவரைத் தேடி வந்தனர். அவரது செல்ஃபோன் எண் தியாகராய நகரில் உள்ள ஒரு விடுதியில் இயங்குவதாக கண்டறிந்த காவலர்கள், அந்த விடுதிக்குச் சென்று அவரை மீட்டனர்.
பின்னர் அவரிடம் நடத்திய விசாரணையில், தனது வீட்டில் உள்ள நபர்கள் தன்னை மனநலம் பாதிக்கப்பட்டவர் போல் வெளி உலகத்திற்கு காட்ட முயற்சிப்பதாகவும் அதனால் தான் மன உளைச்சல் ஏற்பட்டு வீட்டிலிருந்து தப்பித்து வந்ததாகவும் தெரிவித்துள்ளார்.
இதனைத் தொடர்ந்து சுதித்ராவை கீழ்ப்பாக்கத்தில் உள்ள மன நல மருத்துவமனையில் சிகிச்சைக்காக அனுமதித்தனர்.
இதையும் படிங்க: பரதநாட்டியத்தைத் தொடர்ந்து தமிழ்: கங்கனாவின் தொடர் முயற்சி!
