பள்ளி வாகனங்கள் கடைப்பிடிக்க வேண்டிய விதிகள் என்ன?

சென்னை: பள்ளி வாகனங்கள் கடைப்பிடிக்க வேண்டிய விதிகள் குறித்து தனியார் பள்ளிகளுக்கு தமிழ்நாடு மெட்ரிகுலேசன் பள்ளிகள் இயக்குநர் உத்தரவு ஒன்றை அனுப்பியுள்ளார்.

மெட்ரிகுலேசன் பள்ளிகள் இயக்குநர்

Published : May 22, 2019, 6:40 PM IST

இது தொடர்பாக அவர் அனுப்பிய உத்தரவில் கூறியுள்ளதாவது:

"போக்குவரத்துத் துறையிடம் பள்ளி வாகனம் என்பதற்கான அனுமதியை பெற்றவை மட்டுமே பயன்படுத்த வேண்டும். தரச் சான்றிதழ் உரிய காலத்தில் புதுப்பிக்க வேண்டும். இதுமட்டுமின்றி ஒவ்வொரு ஆண்டும் மாவட்ட அளவிலான குழுவினால் ஆய்வு செய்யப்பட்டு அவற்றின் தரத்தினை உறுதி செய்ய வேண்டும். வாகன காப்பீடு செய்ய வேண்டும். காப்பீடு உரிய காலத்தில் புதுப்பிக்கப்படுவதை பள்ளி நிர்வாகம் உறுதி செய்ய வேண்டும்.

வாகனத்தின் முன்னும் பின்னும் பள்ளி வாகனம் என்று பெரிய எழுத்தில் தெளிவாக எழுத வேண்டும். ஒப்பந்த அடிப்படையில் வாகனத்தை இயக்கினால், பள்ளிப் பணிக்காக மட்டும் என்று வாகனத்தின் முன்னும் பின்னும் எழுத வேண்டும். முதல் உதவிப்பெட்டி கண்டிப்பாக வைத்திருக்க வேண்டும். தீயணைப்புக் கருவி பொருத்தப்பட்டிருக்க வேண்டும். இந்த கருவி உரிய காலத்தில் புதுப்பிக்கப்பட வேண்டும்.

வாகனத்தில் பள்ளியின் தொலைபேசி எண் எழுத வேண்டும். வாகனத்தில் பாதுகாப்பு கிரில் பொருத்தப்பட்டிருக்க வேண்டும். தனித்து தெரிவதற்காக மஞ்சள் வண்ணம் பூச வேண்டும். புத்தகப் பையினை பாதுகாப்பாக வைப்பதற்கு, இருக்கையின் அடியில் போதிய இடவசதி செய்யப்பட்டிருக்க வேண்டும். அவசரகால வழி இருக்க வேண்டும். ஏறும் படிக்கட்டுகளின் உயரம் விதிகளுக்கு உட்பட்டு இருக்க வேண்டும். வேகக்கட்டுப்பாட்டுக் கருவி பொருத்தப்பட்டிருக்க வேண்டும்.

வாகனத்திற்கும் ஒரு தகுதியான உதவியாளர் நியமிக்க வேண்டும். உதவியாளர் இல்லாமல் வாகனத்தினை இயக்கக் கூடாது. பள்ளி அளவிலான போக்குவரத்துக் குழு அமைக்க வேண்டும். அந்தக் குழு மாதம் ஒருமுறை கூட்டப்பட்டு குழந்தைகளின் பாதுகாப்பு குறித்து ஆய்வு செய்து உறுதி செய்ய வேண்டும். அனுமதிக்கப்பட்ட எண்ணிக்கைக்கு மேல் பள்ளிக் குழந்தைகளை ஏற்றக் கூடாது.

பள்ளி வாகனத்திலிருந்து குழந்தைகளை அவர்களது இருப்பிடத்தில் இறக்கிவிடும்போது பெற்றோர் அல்லது பாதுகாவலரிடம் குழந்தைகளை ஒப்படைத்த பின்னரே அங்கிருந்து வாகனத்தை இயக்க வேண்டும். எந்த காரணம் கொண்டும் பள்ளியை ஒட்டியுள்ள சாலை, மாநில நெடுஞ்சாலை, தேசிய நெடுஞ்சாலை ஆகியவற்றில் வாகனங்களை நிறுத்திக் குழந்தைகளை ஏற்றவோ, இறக்கவோ கூடாது. உதவியாளர் நியமிக்கப்படவில்லை எனில் அதுகுறித்து போக்குவரத்துத் துறை அலுவலர்களுக்கும் கல்வித் துறை அலுவலர்களுக்கும் புகார் அளிக்க வேண்டும்" என்று குறிப்பிட்டுள்ளது.

இது தொடர்பாக அவர் அனுப்பிய உத்தரவில் கூறியுள்ளதாவது:

பள்ளி வாகனங்கள் விதிகளை மீறினால்
கல்வித்துறைக்கு புகார் தெரிவியுங்கள்
சென்னை,
தமிழ்நாடு மெட்ரிகுலேசன் பள்ளிகள் இயக்குநர் தனியார் பள்ளிகளுக்கு அனுப்பி உள்ள உத்தரவில் கூறப்பட்டுள்ளதாவது, தனியார் கல்வி நிறுவனங்களின் வாகனங்கள் இயக்குவது சார்ந்து தமிழ்நாடு மோட்டார் வாகனங்கள் (பள்ளி வாகனங்கள் முறைப்படுத்துதல் மற்றும் கட்டுப்படுத்துதல்) சிறப்பு விதிகள், 2012 வகுக்கப்பட்டுள்ளது.
வாகனங்கள் இயக்குவது குறித்தும் , மாணவர் பாதுகாப்பு சார்ந்தும் அரசாலும், துறையாலும் தொடர்ந்து அறிவுரைகள் வழங்கப்பட்டுவரும் நிலையில் பள்ளிக் குழந்தைகள் பள்ளி வாகனத்தில் விபத்திற்குள்ளாவது நடைபெற்று வருகிறது. இது போன்ற விரும்பத்தகாத சம்பவங்கள் தவிர்க்கப்பட நடவடிக்கைகள் எடுக்கப்பட்ட நிலையிலும், பள்ளி நிர்வாகங்களின் கவனமின்மை காரணமாகப் பள்ளிக் குழந்தைகள் விபத்திற்குள்ளாவது ஏற்புடையதாக இல்லை.

மெட்ரிகுலேசன் மற்றும் மெட்ரிகுலேசன் மேல்நிலைப் பள்ளிகளின் வாகனங்களை இயக்குவது சார்ந்து மீண்டும் கீழ்க்குறிப்பிட்டுள்ள அறிவுரைகள் வழங்கப்படுகின்றன.

பள்ளி வாகனம் என்பதற்கான அனுமதி போக்குவரத்துத்துறையால் பெறப்பட்ட வாகனங்களை மட்டுமே இயக்க வேண்டும். ஒவ்வொரு வாகனத்திற்கும் தரச்சான்று உரிய காலத்தில் புதுப்பிக்கப்படவேண்டும்.
பள்ளி வாகனங்களின் தரச்சான்றினை புதுப்பிப்பதோடு அல்லாமல் ஒவ்வொரு ஆண்டும் மாவட்ட அளவிலான குழுவினால் ஆய்வு செய்யப்பட்டு அவற்றின் தரத்தினை உறுதி செய்யப்பட வேண்டும்.ஒவ்வொரு பள்ளி வாகனமும் காப்பீடு செய்யப்பட்டிருக்க வேண்டும். காப்பீடு உரிய காலத்தில் புதுப்பிக்கப்படுவதை பள்ளி நிர்வாகம் உறுதி செய்ய வேண்டும்.

பள்ளி வாகனத்தின் முன்னும் பின்னும் பள்ளி வாகனம் என்று பெரிய எழுத்தில் தெளிவாக எழுதப்பட்டிருக்க வேண்டும்.
ஒப்பந்த அடிப்படையில் வாகனத்தை இயக்கினால், பள்ளிப் பணிக்காக மட்டும் என்று வாகனத்தின் முன்னும் பின்னும் தெளிவாக எழுதியிருக்கவேண்டும்.
ஒவ்வொரு பள்ளி வாகனத்திலும் முதலுதவிப்பெட்டி கண்டிப்பாக வைக்கப்பட்டிருக்கவேண்டும்.
ஒவ்வொரு பள்ளி வாகனத்திலும் தீயணைப்புக் கருவி பொருத்தப்பட்டிருக்கவேண்டும். தீயணைப்புக் கருவி உரிய காலத்தில் புதுப்பிக்கப்பட வேண்டும்.
ஒவ்வொரு பள்ளி வாகனத்திலும் அந்தந்த பள்ளியின் தொலை பேசி எண் எழுதப்பட்டிருக்க வேண்டும்
ஒவ்வொரு பள்ளி வாகனத்திலும் .பாதுகாப்பு கிரில் பொருத்தப்பட்டிருக்க வேண்டும்.
மற்ற வாகனங்களிலிருந்து வேறுபாடாகத் தெரியும் வண்ணம் பள்ளி வாகனங்களுக்கு மஞ்சள் வண்ணம் பூசப்பட்டிருக்க வேண்டும்
புத்தகப் பையினை பாதுகாப்பாக வைக்க இருக்கையின் அடியில் போதிய இடவசதி செய்யப்பட்டிருக்க வேண்டும்.
ஒவ்வொரு வாகனத்திலும் விதிகளின்படி அவசரகால வழி இருக்கவேண்டும்.
பள்ளி வாகனத்தின் ஏறும் படிக்கட்டுகளின் உயரம் விதிகளுக்கு உட்பட்டு இருக்கவேண்டும்.
ஒவ்வொரு பள்ளிவாகனத்திலும் வேகக்கட்டுப்பாட்டுக் கருவி பொருத்தப்பட்டிருக்கவேண்டும்.

ஒவ்வொரு பள்ளி வாகனத்திற்கும் ஒரு தகுதியான உதவியாளர் நியமிக்கப்பட்டிருக்க வேண்டும். உதவியாளர் இல்லாமல் வாகனத்தினை இயக்கக் கூடாது.
ஒவ்வொரு பள்ளி வாகனத்திலும் ஆசிரியர் நிலையில் ஒருவர் பாதுகாப்பினை உறுதி செய்யும் வகையில் இருக்கவேண்டும்.
பள்ளி வாகனம் இயக்கும் ஒவ்வொரு பள்ளியிலும் பள்ளி அளவிலான போக்குவரத்துக் குழு அமைக்கப்பட்டிருக்கவேண்டும். அந்தக் குழு மாதம் ஒருமுறை கூட்டப்பட்டு குழந்தைகளின் பாதுகாப்பு குறித்து ஆய்வு செய்து உறுதிசெய்யப்பட வேண்டும்.

எந்தவொரு பள்ளி வாகனத்திலும் அனுமதிக்கப்பட்ட எண்ணிக்கைக்கு மேல் பள்ளிக் குழந்தைகளை ஏற்றக் கூடாது.
பள்ளி வாகனத்திற்குக் குழந்தைகள் ஏற வரும்போதும், பள்ளி வாகனத்திலிருந்து குழந்தைகள் இறங்கிச் செல்லும் போதும் வாகனத்திற்கு அருகில் குழுந்தைகள் எவரும் இல்லை என்பதை உறுதிசெய்த பின்னரே வாகனம் இயக்கப்பட வேண்டும்.

பள்ளி வாகனத்திலிருந்து குழந்தைகளை அவர்களது இருப்பிடத்தில் இறக்கிவிடும்போது பெற்றோர் அல்லது பாதுகாவலரிடம் குழந்தைகளை ஒப்படைத்த பின்னரே அங்கிருந்து வாகனத்தை இயக்கவேண்டும்.
பள்ளி வாகனத்தில் குழந்தைகள் ஏற்றப்பட்டபின்னர் கதவு மூடப்பட்டு அவர்கள் இருக்கையில் அமர்ந்த பின்னர்தான் வாகனத்தை இயக்கவேண்டும்.

பள்ளிக் குழந்தைகளை ஏற்றிக்கொண்டு வாகனங்கள் பள்ளி வளாகத்திற்கு வரும்போது கண்டிப்பாக குறைந்தபட்சம் இரண்டு பள்ளி பணியாளர்கள் இருந்து அனைத்துக் குழந்தைகளையும் மிகவும் பாதுகாப்பாக இறக்கி வரிசையாக வகுப்பறைக்குள் அனுப்பவேண்டும். குழந்தைகள் வகுப்பறைக்குள் சென்ற பின்பே பள்ளி வாகனத்தை அவ்விடத்திலிருந்து நகர அனுமதிக்க வேண்டும்.
பள்ளி வேலை நேரம் முடிந்து குழந்தைகளை வாகனத்தில் வீட்டிற்கு ஏற்றிச் செல்லும்போதும் குறைந்தபட்சம் இரண்டு பணியாளர்கள் இருந்து பாதுகாப்பாக அனைத்து குழந்தைகளையும் வாகனத்தில் ஏற்றி அனுப்ப வேண்டும்.
பள்ளி வளாகத்தில் வாகனம் இயக்கப்படும்போது அருகில் குழந்தைகள் எவரும் இல்லை என்பதை உறுதி செய்ய வேண்டும். எந்தக்காரணம் கொண்டும் பள்ளியை ஒட்டியுள்ள சாலை, மாநில நெடுஞ்சாலை, தேசிய நெடுஞ்சாலை ஆகியவற்றில் வாகனங்களை நிறுத்திக் குழந்தைகளை ஏற்றவோ, இறக்கவோ கூடாது.
பள்ளிக்கு வருகை தந்த ஒவ்வொரு குழந்தையும் பாதுகாப்பாக அவரவர் வீட்டிற்குச் சென்றடைவதை உறுதி செய்வது பள்ளி நிர்வாகத்தின் தலையாய கடமை என்பதால், இதிலிருந்து மாறி கவனமின்மை காரணமாக ஏதேனும் விபத்து ஏற்பட்டால், அதற்கு பள்ளி நிர்வாகமே முழுப்பொறுப்பேற்க நேரிடும்.

குழந்தைகளை பள்ளி வாகனத்தில் பள்ளிக்கு அனுப்பும் பெற்றோர் அவர்களுடன் வந்து வாகனத்தில் ஏற்றி அமரவைத்துவிட்டு வாகனம் இயக்கப்பட்ட பின்னர் அந்த இடத்தினைவிட்டுச் செல்ல வேண்டும்.
பள்ளியிலிருந்து குழந்தைகள் வரும் நேரத்திற்கு முன்பாகவே உரிய நிறுத்தத்திற்கு வந்து குழந்தைகள் வாகனத்திலிருந்து இறங்கும்போது அவர்களது கையைப் பிடித்து இறக்கி வாகனத்தை விட்டுப் பாதுகாப்பான தொலைவில் நிறுத்திக்கொள்ளவேண்டும்.
உதவியாளர் நியமிக்கப்படவில்லை எனில் அதுகுறித்து போக்குவரத்துத் துறை அலுவலர்களுக்கும் கல்வித் துறை அலுவலர்களுக்கும் புகார் அளிக்க வேண்டும் என அதில் கூறியுள்ளார்.

For All Latest Updates