சென்னை: கொருக்குப்பேட்டை அண்ணா நகர் நாவலர் தெருவை சேர்ந்தவர் ராஜா. இவர் தனது வீட்டில் இருந்த செல்போன் திருடு போனதாக ஆர் நகர் காவல்நிலையத்தில் புகார் அளித்திருந்தார். இதுதொடர்பாக சிசிடிவி காட்சி மூலம் காவல்துறையினர் விசாரணை நடத்தி வந்தனர்.
செல்போன் திருடிய 5 பேர் கைது
அதில், ராஜாவின் வீட்டில் இருந்து மூன்று பேர் செல்போன் திருடியது தெரியவந்தது.இதுதொடர்பாக விஜய் என்ற தொப்புள் விஜய், முஹம்மது இத்ரீஸ் ஆகிய இருவரை போலீசார் கைது செய்தனர். மேலும் இதில் மொட்டை கார்த்தி, ராசிக்,ஆசி ஆகியோருக்கும் தொடர்பு இருப்பது தெரியவந்தது. ஆர்.கே நகரில் பதுங்கியிருந்த அவர்களை காவல்துறையினர் கைது செய்தனர்.
கைது செய்யப்பட்ட 5 பேர் மீது கொருக்குப்பேட்டை, வண்ணாரப்பேட்டை, ஆர்கே நகர் உள்ளிட்ட காவல் நிலையங்களில் பல்வேறு வழக்குகள் நிலுவையில் உள்ளது. பின்னர் நீதிமன்றத்தில் ஆஜர்படுத்தப்பட்ட அவர்கள் சிறையில் அடைக்கப்பட்டனர்.
இதையும் படிங்க: பெண்களை குறி வைத்து செல்போன் பறிப்பில் ஈடுபட்ட கும்பல் - இருவர் கைது!
