இதுகுறித்து அவர் வெளியிட்டுள்ள அறிக்கையில், கட்சிக்கு எதிராக செயல்படும் மூன்று அதிமுக சட்டமன்ற உறுப்பினர்கள் மீது நடவடிக்கை எடுக்க வேண்டும் என்று, ஆளும் கட்சி கொறடாவும், சட்ட அமைச்சரும் இணைந்து பேரவைத் தலைவரிடம் மனு அளித்துள்ளனர். இதைதொடர்ந்து சட்டமன்ற உறுப்பினர்களான ரத்தினசபாபதி, வி.டி கலைச்செல்வன், அ.பிரபு ஆகிய மூன்று பேருக்கும் உரிய விளக்கம் அளிக்க கோரி பேரவைத் தலைவர் நோட்டீஸ் அனுப்பி உள்ளார்.
இந்த மூவரையும் தகுதி நீக்கம் செய்வதற்கான முன்னோட்டமாகவே இந்த நடவடிக்கைக் கருதப்படுகிறது. கட்சித் தாவல் சட்டப் பிரிவின் கீழ் நடவடிக்கை எடுக்க அரசியல் சட்டத்தில் இடம் இருந்தாலும், எடப்பாடி பழனிசாமி அரசு பதவியில் நீடிப்பதற்காகவே பேரவைத் தலைவரிடம் ஆளும் கட்சியின் கொறாடா புகார் செய்து இருக்கிறார்.
சட்டமன்ற மரபுகளைப் பேணிக் காக்க வேண்டிய பேரவைத் தலைவர், ஆளும் கட்சியின் அரசியல் நோக்கங்களுக்கு ஆதரவாகச் செயல்பட்டால் ஜனநாயகம் புதை குழிக்குள் போய்விடும் என்பதை உணர்ந்து, மூன்று சட்டமன்ற உறுப்பினர்களின் தகுதி நீக்கக் கோரிக்கையை ஏற்காமல் நிராகரிக்க வேண்டும். இவ்வாறு அவர் அறிக்கையில் குறிப்பிட்டுள்ளார்.
