'வெளிமாநிலத்தவருக்கு மருத்துவ இடம் வழங்கப்படாது' - தமிழ்நாடு

சென்னை: தமிழ்நாட்டில் போராடி பெற்ற மருத்துவ இடங்கள் வெளிமாநிலத்தவருக்கு வழங்கப்படாது என்று சுகாதாரத்துறை அமைச்சர் விஜயபாஸ்கர் அதிரடியாக தெரிவித்துள்ளார்.

விஜயபாஸ்கர்

Published : Jul 10, 2019, 2:49 PM IST

சட்டப்பேரவையில் கேள்வி நேரத்திற்கு பின்னர் திமுக உறுப்பினர் பழனிவேல் தியாகராஜன், சமீபத்தில் வெளியிடப்பட்ட மருத்துவ தரவரிசை பட்டியலில் இரட்டை இருப்பிட சான்றிதழ் பெற்ற வெளிமாநில மாணவர்கள் பெயர் இடம்பெற்றுள்ளது எனக்கூறி, சிறப்பு கவன ஈர்ப்பு தீர்மானத்தை கொண்டு வந்தார்.

இதற்கு பதிலளித்த சுகாதாரத்துறை அமைச்சர் விஜயபாஸ்கர், "இதுவரை அரசு மருத்துவக் கல்லூரியில் சேர்வதற்கு பெறப்பட்ட 39,013 விண்ணப்பங்களில் தீவிர கண்காணிப்புகளுக்கு பிறகு 3,516 விண்ணங்கள் நிராகரிக்கப்பட்டுள்ளன.

தமிழ்நாட்டிற்காக போராடி பெற்ற மருத்துவ இடங்கள் வெளிமாநில மாணவர்களுக்கு வழங்கப்படாது என்பதில் அரசு உறுதியாக இருக்கிறோம். இதற்காக தனியாக குழு அமைத்து விண்ணப்பிக்கும் மாணவர்களின் பிறப்பு சான்றிதழ், மாணவரின் பெற்றோர்களின் பிறப்பு சான்றிதழ், மாணவரின் பெற்றோர் தமிழ்நாட்டில் கல்வி பயின்றதற்கான சான்றிதழ், மாணவர் மற்றும் பெற்றோர்களின் சாதி சான்றிதழ், நியாயவிலை அட்டை உள்ளிட்ட விவரங்கள் பெறப்பட்டு சரிபார்க்கப்படுகிறது.

அத்துடன் சேர்ந்து மாணவர் மற்றும் பெற்றோரிடத்தில் பிரமாண பத்திரம் ஒன்றில் கையெழுத்து பெறப்பட்டுள்ளது. அந்த பிரமாண பத்திரத்தில், மாணவரின் விண்ணப்பத்தில் தெரிவிக்கப்பட்டுள்ள தகவல்கள் மற்றும் சமர்பிக்கப்பட்டடுள்ள சான்றிதழ்கள் அனைத்தும் உண்மையானவை, அதில் ஏதாவது தவறு இருந்தால் மாணவரை தகுதி நீக்கம் செய்யலாம், கிரிமினல் வழக்கு தொடுக்கலாம் அதற்கு சம்மதிக்கிறேன் என உறுதி கூறும் வாசகம் இடம் பெற்றுள்ளது" என்றார்.

Intro:
வெளிமாநில மாணவர் யாருக்கும் மருத்துவ இடம் வழங்கப்படாது
அமைச்சர் விஜயபாஸ்கர் பேரவையில் உறுதி Body:

சென்னை,
தமிழகத்துக்காக போராடி பெற்ற மருத்துவ இடங்களில் வெளி மாநில மாணவர் யாருக்கும் மருத்துவ இடம் வழங்கப்படாது என்றும், போலி சான்றிதழ் சமர்பிக்கும் மாணவர்கள் மீது கிரிமினல் வழக்கு பாயும் என்றும் சுகாதாரத்துறை அமைச்சர் விஜயபாஸ்கர் தெரிவித்துள்ளார்.

சட்டப்பேரவையில் இன்று நேரமில்லா நேரத்தில் பேசிய திமுக சட்டமன்ற உறுப்பினர் பழனிவேல் தியாகராஜன், சமீபத்தில் வெளியிடப்பட்ட மருத்துவ தரவரிசை பட்டியலில் இரட்டை இருப்பிட சான்றிதழ் பெற்ற வெளி மாநில மாணவர்கள் பெயர் இடம் பெற்றுள்ளது. அவர்களுக்கு மருத்துவ இடங்கள் ஒதுக்க கூடாது என சிறப்பு கவன ஈர்ப்பு தீர்மானம் கொண்டு வந்தார்.

அதற்கு பதிலளித்த சுகாதாரத்துறை அமைச்சர் விஜயபாஸ்கர் , மருத்துவப்படிப்புகளுக்கு விண்ணப்பிக்கும் மாணவர்களின் விண்ணப்பங்களை கண்கொத்தி பாம்பை போல கூர்ந்து கவனித்து வருகிறோம். இதுவரை பெறப்பட்ட அரசு மருத்துவக் கல்லூரியில் சேர்வதற்கு பெறப்பட்ட 39 ஆயிரத்து 13 விண்ணப்பங்களில் தீவிர கண்காணிப்புகளுக்கு பிறகு 3516 விண்ணங்கள் நிராகரிக்கப்பட்டுள்ளது.

தமிழகத்துக்காக போராடி பெற்ற மருத்துவ இடங்களில் வெளி மாநில மாணவர்களுக்கு வாய்ப்பு வழங்கப்படாது என்பதில் அரசு உறுதியாக இருக்கிறோம். மாணவர்களிடம் சான்றிதழ்கள் பெற்ற போது சில அரசியல் கட்சித் தலைவர்கள் தேவையற்ற சான்றிதழ்களை பெறுவதாக குற்றஞ்சாட்டினர்.
இதற்காக தனியாக குழு அமைத்து விண்ணப்பிக்கும் மாணவர்களின் பிறப்பு சான்றிதழ், மாணவரின் பெற்றோர்களின் பிறப்பு சான்றிதழ், மாணவரின் பெற்றோர் தமிழ்நாட்டில் கல்வி பயின்றதற்கான சான்றிதழ், மாணவர் மற்றும் பெற்றோர்களின் சாதி சான்றிதழ், நியாயவிலை அட்டை உள்ளிட்ட விவரங்கள் பெறப்பட்டு சரிபார்க்கப்படுகிறது. அத்துடன் சேர்த்து மாணவர் மற்றும் பெற்றோரிடத்தில் பிரமாண பத்திரம் ஒன்றில் கையெழுத்து பெறப்படுகிறது. அந்த பிரமாண பத்திரத்தில், மாணவரின் விண்ணப்பத்தில் தெரிவிக்கப்பட்டுள்ள தகவல்கள் மற்றும் சமர்பிக்கப்பட்டடுள்ள சான்றிதழ்கள் அனைத்தும் உண்மையானவை, அதில் ஏதாவது தவறு இருந்தால் மாணவரை தகுதி நீக்கம் செய்யலாம், கிரிமினல் வழக்கு தொடுக்கலாம் அதற்கு சம்மதிக்கிறேன் என உறுதி கூறும் வாசகம் இடம் பெற்றுள்ளது என கூறினார். Conclusion:null

For All Latest Updates