1. தமிழ்நாடு வருகிறார் ராகுல் காந்தி
காங்கிரஸ் கட்சியின் முன்னாள் தலைவர் ராகுல் காந்தி, தமிழ்நாட்டில் இன்று முதல் 3 நாள்கள் சுற்றுப்பயணம் செய்து மக்களை சந்திக்கிறார். அதற்காக, இன்று (ஜனவரி 23) காலை தனி விமானம் மூலம் டெல்லியிலிருந்து கோவை வருகிறார்.
2. அஸ்ஸாம் செல்லும் பிரதமர் மோடி
அஸ்ஸாம் மாநிலத்தின் சிவசாகர் பகுதியில் நிகழ்ச்சி ஒன்றில் பிரதமர் நரேந்திர மோடி இன்று கலந்து கொள்கிறார். இந்நிகழ்ச்சியில் சுமார் 1.06 லட்சம் நில பட்டாக்கள், சான்றிதழ்கள் மக்களுக்கு வழங்குகிறார்.
3. கோவையில் எடப்பாடி பழனிசாமி பரப்புரை
சட்டப்பேரவைத் தேர்தலையொட்டி முதலமைச்சர் பழனிசாமி, இன்று கோவையில் பரப்புரை மேற்கொள்கிறார்.
4. துணிச்சல் தின விழாவில் பிரதமர் மோடி
நேதாஜியின் 125ஆவது பிறந்தநாளை கொண்டாடும் விதமாக கொல்கத்தாவில் நடைபெறவுள்ள முதலாவது துணிச்சல் தின விழாவில் பிரதமர் மோடி பங்கேற்கிறார்.
5. உள் மாவட்டங்களில் இன்று மழைக்கு வாய்ப்பு
தமிழ்நாட்டில் உள் மாவட்டங்களின் ஓரிரு இடங்களில் இன்று மழை பெய்யக்கூடும் என சென்னை வானிலை மையம் தெரிவித்துள்ளது.
