என்.சங்கரய்யாவை சந்தித்து வாழ்த்து பெற்ற மு.க.ஸ்டாலின்

தமிழ்நாடு முதலமைச்சராக பதவியேற்க உள்ள திமுக தலைவர் மு.க.ஸ்டாலின், மார்க்சிஸ்ட் கம்யூனிஸ்ட் கட்சியின் மூத்த தலைவர் என்.சங்கரய்யாவை நேரில் சந்தித்து, வாழ்த்து பெற்றார்.

தமிழ்நாடு சட்டப்பேரவைத் தேர்தலில் திமுக கூட்டணி வெற்றி பெற்றது. அதனைத் தொடர்ந்து தமிழ்நாட்டின் முதலமைச்சராக மு.க.ஸ்டாலின் நாளை (மே.7)பதவி ஏற்கிறார்.

மு.க.ஸ்டாலினுக்கு திரை பிரபலங்கள், அரசியல் கட்சித் தலைவர்கள் உள்ளிட்டோர் வாழ்த்துக்களை தெரிவித்து வருகின்றனர்.

இந்நிலையில் மார்க்சிஸ்ட் கம்யூனிஸ்ட் கட்சியின் மூத்தத் தலைவர் என்.சங்கரய்யாவை மு.க.ஸ்டாலின் இன்று (மே.6) நேரில் சந்தித்து, வாழ்த்துப் பெற்றார்.

அவருடன் ஆர். ராசா, துரைமுருகன், பொன்முடி, டி.ஆர்.பாலு, ஏ.வ.வேலு ஆகியோர் உடனிருந்தனர்.

இதையும் படிங்க: மு.க ஸ்டாலினை சந்தித்து வாழ்த்து தெரிவித்த திரைப்பட தயாரிப்பாளர்கள் சங்கத்தினர்!