சமூக நீதி போராளி இரட்டைமலை சீனிவாசனின் நினைவைப் போற்றுவோம் - மு.க.ஸ்டாலின்

சென்னை : ஒடுக்கப்பட்டோர் உயர்வுக்கு இறுதிவரை போராடிய சமூக வழக்கறிஞரான இரட்டைமலை சீனிவாசனின் நினைவைப் போற்றுவோம் என திமுக தலைவரும், தமிழ்நாடு சட்டப்பேரவை எதிர்க்கட்சித் தலைவருமான மு.க.ஸ்டாலின் கூறியுள்ளார்.

சமூக நீதிப் போராளி இரட்டைமலை சீனிவாசனின் 75ஆம் ஆண்டு நினைவுநாள் இன்று அனுசரிக்கப்படுகிறது. இதனை முன்னிட்டு திமுக தலைவர் மு.க.ஸ்டாலின் தனது ட்விட்டர் பக்கத்தில் வெளியிட்டுள்ள குறிப்பில், "சமூகப் போராளி - அரசியல் ஆளுமை - இணையற்ற பெரும்தலைவர் இரட்டைமலை சீனிவாசன் நினைவுநாள் இன்று. அவர் நினைவு போற்றிட மணிமண்டபம் அமைத்து- அஞ்சல் தலை வெளியிட முயற்சி எடுத்தது திமுக அரசே!. ஒடுக்கப்பட்டோர் உயர்வுக்கு இறுதிவரை போராடிய சமூக வழக்கறிஞரான இரட்டைமலையாரின் நினைவைப் போற்றுவோம்" என தெரிவித்துள்ளார்.