திமுக பேரணியில் பங்கேற்க நடிகர் சங்கத்துக்கு அழைப்பு

குடியுரிமைச் சட்டத்துக்கு எதிராக வரும் 23ஆம் தேதி சென்னையில் திமுக தலைமையில் நடைபெறும் பேரணியில் பங்கேற்க தென்னிந்திய நடிகர் சங்கத்துக்கு அழைப்பு விடுக்கப்பட்டுள்ளது.

குடியுரிமைச் சட்டத்துக்கு (#CAA2019) எதிராக நாடு முழுவதும் போராட்டங்கள் வலுப்பெற்றுவரும் நிலையில், வரும் 23ஆம் தேதி சென்னையில் திமுக தலைமையில் பேரணி நடைபெறவுள்ளது.

இந்தப் பேரணியில் பங்கேற்க பல்வேறு கட்சிகளுக்கும் அமைப்புகளுக்கும் அழைப்பு விடுக்கப்பட்டுள்ள நிலையில், தென்னிந்திய நடிகர் சங்கத்துக்கு தற்போது அழைப்புக் கடிதம் அனுப்பப்பட்டுள்ளது.

பேரணியில் முன்னணி நடிகர்கள், நடிகைகள் அனைவரும் பங்கேற்குமாறு கேட்டுக்கொள்ளப்பட்டுள்ளது.