சென்னை :Minister Sekar Babu speech: துறைமுகம் சட்டப்பேரவை தொகுதிக்கு உட்பட்ட பிரகாசம் சாலை, பூந்தமல்லி நெடுஞ்சாலை, அரசு பல்மருத்துவக் கல்லூரி மாணவர் விடுதி, மற்றும் நடைபாதைப் பூங்கா ஆகியவற்றை அந்த தொகுதியின் சட்டப்பேரவை உறுப்பினரும், இந்து சமய அறநிலையத்துறை அமைச்சருமான பி.கே. சேகர்பாபு நேரில் ஆய்வு மேற்கொண்டார்.
அதன் பின்னர் செய்தியாளர்களை சந்தித்த அமைச்சர் சேகர் பாபு கூறியதாவது, "கடந்த மாதம் பெய்த பெரு மழையினால் ஏற்பட்ட பாதிப்புகளை முதலமைச்சர் ஸ்டாலின் தொடர்ந்து 40 நாட்களாக நேரில் சென்று பார்வையிட்டார். பாதிக்கப்பட்ட மக்களுக்குத் தேவையான நிவாரண நடவடிக்கைகளையும் மேற்கொண்டார்.
நீண்ட நெடிய பாரம்பரியமிக்க கல்லூரி
அடுத்து வரும் காலத்திற்குள், தற்பொழுது ஏற்பட்ட பாதிப்புகள் மீண்டும் ஏற்படாத வண்ணம் தடுப்பு நடவடிக்கைகளை மேற்கொள்ள எங்களுக்கும், அலுவலர்களுக்கும் உத்தரவிட்டுள்ளார். அதன் அடிப்படையில் துறைமுகம் சட்டப்பேரவைத் தொகுதிக்குட்பட்ட பிரகாசம் சாலை, பூந்தமல்லி நெடுஞ்சாலை, ஆகியப் பகுதிகளில் உள்ள மழைநீர் வடிகால் வாய்க்கால்களை தற்போது பார்வையிட்டோம், இங்குள்ள பூங்கா, பொதுக்கழிப்பிடமாக மாறி, புதர்மண்டி கிடக்கிறது.
மேலும், கட்டட இடிபாடுகளும் குப்பைகள் குவிந்து இருப்பது குறித்து பல் மருத்துவக் கல்லூரி முதல்வர் அவர்களும், மாணவ, மாணவிகளும் அளித்தப் புகாரின் அடிப்படையில் அதனையும் பார்வையிட்டோம். இந்த குறைபாடுகள் மாநகராட்சியால் இரண்டு நாளில் நிச்சயம் சரி செய்யப்படும்.
இங்கு உள்ள அரசு பல் மருத்துவக்கல்லூரி நீண்ட நெடிய பாரம்பரியமிக்க கல்லூரியாகும். இங்குள்ள மாணவ - மாணவிகள் தங்கும் உண்டு- உறைவிடத்தில் 380 மாணவிகளும், 105 மாணவர்களும் தங்கிப் பயின்று வருகின்றனர். இந்த விடுதி 1980ஆம் ஆண்டு கட்டப்பட்டது.
-
சென்னை - கோட்டை இரயில் நிலையம் எதிரில் உள்ள அரசு பல்மருத்துவமனை
— P.K. Sekar Babu (@PKSekarbabu) December 28, 2021 " class="align-text-top noRightClick twitterSection" data="
மாணவர் விடுதியில் ஆய்வு மேற்கொண்டு அடிப்படை வசதிகள், மருத்துவமனை விடுதியின் வளாகத்தில் மேற்கொள்ளப்பட வேண்டிய தூய்மை பணிகளை பார்வையிட்டு, துரித நடவடிக்கை மேற்கொள்ள அறிவுறுத்தினோம். உடன் மருத்துவமனை முதல்வர். pic.twitter.com/yR6mQpT3ep
">சென்னை - கோட்டை இரயில் நிலையம் எதிரில் உள்ள அரசு பல்மருத்துவமனை
— P.K. Sekar Babu (@PKSekarbabu) December 28, 2021
மாணவர் விடுதியில் ஆய்வு மேற்கொண்டு அடிப்படை வசதிகள், மருத்துவமனை விடுதியின் வளாகத்தில் மேற்கொள்ளப்பட வேண்டிய தூய்மை பணிகளை பார்வையிட்டு, துரித நடவடிக்கை மேற்கொள்ள அறிவுறுத்தினோம். உடன் மருத்துவமனை முதல்வர். pic.twitter.com/yR6mQpT3epசென்னை - கோட்டை இரயில் நிலையம் எதிரில் உள்ள அரசு பல்மருத்துவமனை
— P.K. Sekar Babu (@PKSekarbabu) December 28, 2021
மாணவர் விடுதியில் ஆய்வு மேற்கொண்டு அடிப்படை வசதிகள், மருத்துவமனை விடுதியின் வளாகத்தில் மேற்கொள்ளப்பட வேண்டிய தூய்மை பணிகளை பார்வையிட்டு, துரித நடவடிக்கை மேற்கொள்ள அறிவுறுத்தினோம். உடன் மருத்துவமனை முதல்வர். pic.twitter.com/yR6mQpT3ep
ஸ்டாலினிடம் வேண்டுகோள் வைக்க உள்ளேன்
தற்பொழுது இந்த விடுதியைப் புனரமைப்பது குறித்து பொதுப்பணித்துறை அமைச்சர் மற்றும் சுகாதாரத்துறை அமைச்சர் ஆகியோரின் ஒத்துழைப்புடன் இங்குத் தங்கியுள்ள ஒவ்வொரு மாணவர்களுக்கும் தலா 100 சதுர அடியுடன் அனைத்து அடிப்படை வசதிகளும் கொண்ட உண்டு உறைவிட விடுதி அமைத்திட முதலமைச்சர் ஸ்டாலினிடம் தொகுதியின் சட்டப்பேரவை உறுப்பினர் என்ற அடிப்படையில் வேண்டுகோள் வைக்க உள்ளேன்.
மேலும், அரசு ராஜிவ் காந்தி பொது மருத்துவமனையிலும் நோயாளிகளுக்குத் தேவையான அடிப்படை வசதிகள் அனைத்தும் புனரமைக்க உரிய நடவடிக்கை எடுக்கப்படும். கடந்த இரண்டு நாட்களுக்கு முன்பு முதலமைச்சர் ஸ்டாலின் அரசு ராஜிவ் காந்தி பொது மருத்துவமனையில் ஒமைக்ரான் நோய்க்குச் சிகிச்சை அளித்திடச் சிறப்பு வார்டினை திறந்து வைத்தார்.
தவறு செய்தவர்கள் யாராக இருந்தாலும்...
முதலமைச்சர் ஸ்டாலின் தலைமையிலான திமுக அரசு அமைந்தவுடன் முதலமைச்சர் எடுத்த அதிரடி நடவடிக்கையின் காரணமாக கரோனா நோய்த் தொற்று 37 ஆயிரத்திலிருந்து, எவ்வாறு முற்றிலும் கட்டுப்படுத்தப்பட்டதோ, அதேபோல் ஒமைக்ரான் நோய்த்தொற்றும் நிச்சயம் தமிழ்நாட்டில் ஊடுருவாமல் தடுக்க முதலமைச்சர் போதிய நடவடிக்கையை நிச்சயம் எடுப்பார்.
புளியந்தோப்பு கே.பி. பார்க் குடிசை மாற்று வாரிய கட்டடத்தில் புகார்கள் வந்ததும்; எவ்வாறு உரிய நடவடிக்கை சட்டப்படி எடுக்கப்பட்டதோ, அதேபோல் திருவொற்றியூரில் குடிசை மாற்று வாரிய கட்டடங்கள் இடிந்து விழுந்தது குறித்து முதலமைச்சர் உரிய ஆய்வு மேற்கொண்டு, இந்த ஆய்வின் அடிப்படையில், தவறு செய்தவர்கள் யாராக இருந்தாலும் நிச்சயம் நடவடிக்கை எடுப்பார்.
போற்றுவோர் போற்றட்டும், தூற்றுவோர் தூற்றட்டும்
முதலமைச்சர் வழிகாட்டுதலின்படி இந்து சமய அறநிலையத்துறை பக்தர்களின் வசதிக்காக, பல்வேறு அதிரடி நடவடிக்கைகளை எடுத்து வருகிறது. இதனைப் பலர் பாராட்டினாலும், ஒரு சிலர் வேண்டுமென்றே ஆதாரமற்ற, பொய்யான குற்றச்சாட்டுகளைக் கூறி வருகிறார்கள்.
போற்றுவோர் போற்றட்டும், தூற்றுவோர் தூற்றட்டும், எங்கள் கடமை மக்கள் பணி செய்வதே, என்ற தாரக மந்திரத்தின் அடிப்படையில் ஆதாரமற்ற பொய்யான குற்றச்சாட்டுகளைக் கூறுவோரைப் புறந்தள்ளி எங்கள் பணிகளைத் தொடர்ந்து செய்து வருகிறோம்.
கரோனா நோய்த்தொற்று, தடுப்பு நடவடிக்கையாகத் தடுப்பூசி செலுத்துவதில், தமிழ்நாட்டில் இதுவரை 85 விழுக்காடு பேர் முதல் தவணைத் தடுப்பூசியும், 45% பேர் இரண்டாம் தவணைத் தடுப்பூசியும் செலுத்திக் கொண்டுள்ளனர்.
தமிழ்நாட்டில் ஸ்டாலின் தலைமையிலான புதிய ஆட்சி அமையப்பெற்று, அதிகம் தடுப்பூசி செலுத்தியதில் இந்தியாவிலேயே முதல் மாநிலம் தமிழ்நாடு என்ற பெருமையையும் பெற்றுள்ளோம்.
புத்தாண்டு - திருக்கோயில்களில் பக்தர்கள் அனுமதி
கரோனா நோய்த் தொற்று கட்டுப்பாடுகளை கடைப்பிடிப்பதில், ஒன்றிய அரசு வழி காட்டும் நடைமுறைகளை மாநில அரசு கடைப்பிடிக்க வேண்டிய கட்டாயம் உள்ளது.
இருப்பினும் வருகின்ற புத்தாண்டு கொண்டாட்டத்திற்குத் திருக்கோயில்களில் பக்தர்களை அனுமதிப்பது குறித்து முதலமைச்சர் சம்பந்தப்பட்ட துறை அலுவலர்களுடன் கலந்து பேசி உரிய முடிவினை அறிவிப்பார்" என்று தெரிவித்தார்.
இந்த ஆய்வின்போது அரசு பல் மருத்துவக்கல்லூரி முதல்வர் மற்றும் மாநகராட்சி அலுவலர்கள், திமுக பகுதி செயலாளர் முரளி உள்ளிட்டோர் உடனிருந்தனர்.
இதையும் படிங்க: Annapoorani arasu amma: அன்னபூரணியை கைது செய்யக்கோரி இந்து அமைப்புகள் புகார்
