பெண்களுக்கு சீர்வரிசை தரும் ஒரே மாநிலம் தமிழ்நாடு - அமைச்சர் பெருமிதம்

சென்னை: இந்தியாவிலேயே பெண்களுக்கு சீர்வரிசை வழங்கும் ஒரே மாநிலம் தமிழ்நாடுதான் என்று அமைச்சர் பாண்டியராஜன் பெருமிதம் தெரிவித்தார்.

சென்னை ஆவடியை அடுத்த திருநின்றவூர் அருகே நடு குத்தகைப் பகுதியில் தமிழ்நாடு அரசு சார்பில் விலையில்லா ஆடுகள் வழங்கும் நிகழ்ச்சி நடைபெற்றது. இதில் சிறப்பு அழைப்பாளராக தமிழ் மற்றும் தொல்லியல் துறை அமைச்சர் பாண்டியராஜன் கலந்து கொண்டு முதல் கட்டமாக 25 பயனாளிகளுக்கு ஆடுகள் வழங்கி சிறப்புரையாற்றினார்.

இந்த நிகழ்வில் பேசிய அமைச்சர், இந்தியாவிலேயே பெண்களுக்கு சீர்வரிசைகள் கொடுக்கும் ஒரே அரசு அதிமுக அரசுதான் என்று பெருமிதம் தெரிவித்தார்.

இந்நிகழ்வில் அதிமுக பூந்தமல்லி ஒன்றிய செயலாளர் திருநாவுக்கரசு, வட்டார வளர்ச்சி அலுவலர் சாந்தி, கால்நடை உதவி ஆணையாளர் வெங்கட்ராமன் உட்பட கட்சி நிர்வாகிகள் ஏராளமானோர் கலந்து கொண்டனர்.

இதையும் படிங்க: பாஜக பைக் பேரணி திருப்பத்தூர் வந்தடைந்தது!